期望->失望->放棄

月頭我媽媽生日, 阿嫂就買左呢個蛋糕比佢喇!
原來係我未食過既Italian Tomato呀!
成日都好想試, 一直都未試過, 今次終於有機會了!

士多啤梨芒果夾心餅

鮮芒果, 吉士忌廉, 脆批, 朱古力蛋糕, 四個組合而成

不過第一口就覺得件朱古力蛋糕比較實, 唔得鬆軟,
果層脆批就更加難切, 食落都係煙UN,
鮮芒果可能同d吉士忌廉搞埋一齊卦, 唔知去左邊?
餅面既忌廉都幾甜!

出奇地佢既士多啤梨無落光亮劑或魚膠粉, 所以係唔"立立令"的
(呢樣我又buy喎!)

會唔會因為在夜晚買, 個蛋糕先咁實呢? 又可能間間分店唔同者!
(好似比藉口自己敢)

之後搞到我好想食芝士蛋糕喇!


今日終於唔信邪, 又去買左一件芝士蛋糕再試下!

櫻桃芝士餅

香脆曲奇餅底, 配以櫻桃和芝士霧思

唔知係咪期望越大失望就越大呢?
好似食霧思蛋糕敢, 全無芝士味!
好彩中間果層蛋糕係軟既, 個曲奇餅底就幾好!

食兩次, 兩次都失望!
比多一次機會, 下次食埋個New York Cheese Cake!
再唔得就............


     
終極一次

今晚專程買埋呢件New York Cheese Cake比小吉食
用黎塞住佢個烏鴉口! 結果......
我食左小小就比小吉食埋佢了!

放棄了!