兩口子開心營@貝澳 (上集)

今次係第二次兩口子黎貝澳露營，真係等到頸都長了！
因為好難得小吉先有兩日孖日假期，於是就黎過個開心營喇！

上次係度露營(兩口子好鬼營) 識到一個經驗營友Mimi，
佢同老公經常四圍去露營和釣魚架！
剛剛兩星期都在灣仔，今個星期就黎貝澳喇！

今次佢地仲幫我同小吉早一日去取營位添！真係唔該哂！

否則我地會可以去到好遠既營位了！加上有佢地為鄰居梗係更加好啦！
點解？......因為可以聽佢地分享下露營經驗和心得嘛！
對於我同小吉初哥來講，真係學野喇！

十一點幾到達貝澳，放低行李就開始起營。
小吉係度諗計？最後Mimi黎教路點樣起天幕，仲借埋左大天幕比我地，

搞掂左我地今晚既安樂窩喇！上面係煮食地方，我就係度煮野食架喇！

起好營就曬下睡袋，抹下營！
之後同Mimi和她的姑拉傾下計，不經不覺都兩點半，係食午餐既時候了！

方便午餐：韓式粉絲煎餃，日式烏冬，面豉湯和蜆湯。

有左Mimi個大天幕真係好好多，又唔曬！
再加埋自己果塊，又擋埋風！真係消遙喇！

如果粉絲多d仲正！

食飽飽後行下影下相

上次6號營位，今次16號！

差不多時間去扒蜆了！
今次Mimi教我地用扒來扒蜆，佢好熟手好快就扒到好多了！

我同小吉就貪玩多Ｄ！真百厭！

正確姿勢！

小吉咁細粒架！

仲扒到日落影添！小吉好似好落力喎！

邊玩邊睇日落，正呀！

慢慢欣賞比人偷影添！

駛唔駛咁開心呀！

我地扒到日落哂添！


我似唔似扒船呀?

玩完一輪，我地又要準備晚餐了！

溫暖晚餐：小肥羊火鍋

重頭係有手切鮮雪花肥牛和手打蝦滑

肥牛點shabu shabu 醬好正！ 蝦滑又勁彈牙！
今次用左小肥羊既清湯底，有包豆豉粒和己子添！
食物吸哂Ｄ湯汁都幾正，唔駛再點醬汁。

但我又好口渴，可能因為係湯粉啦！真係又愛又恨喇！

手打蝦滑，鮮菇，豆腐卜，白玉菇，娃娃菜，

魷魚，鮮腐竹，芝士丸，包心蟹粉，手打墨丸，龍蝦丸

（丸類每款一粒剛剛好）

凍凍地打邊爐又幾過引喎！
仲要一邊食一邊睇義海添！真係有點過份！

食飽又行下沙灘，發現好多星星呀！之後又貪玩影下相先！

最後果張係Mimi同佢老公在釣緊魚呀！比佢地兩個心啦！

睇下佢地既收穫先，唔知乜野魚呢？仲有一大箱蜆呀！

上面係佢地煮食地方，係用舊營改裝的，整個營圍住左張桌架！
二人世界呀！唔記得入去坐下添！一定好溫暖架喇！


成十二點我地仲要食埋消夜先！

甜心消夜：勁薑芝麻湯丸

原先我提意整冰糖桂花小丸子架！唔想太飽時才訓！
點知買野時小吉就自動波拎左芝麻湯丸，佢都係鍾意勁薑多Ｄ！

好在郁動完一輪又食到喎！

飲左薑水訓覺咪溫暖Ｄ囉！哈哈哈哈！
滿足哂！明天繼續！

兩口子開心營！(下集)