兩口子開心營@貝澳 (下集)

第四次黎呢度露營，次次都無得好訓！
今次都唔例外，兩點開始訓，七點幾就嘈醒左了。
望下出面好好太陽，有些小朋友在拾蜆。
心諗都訓唔到架喇！最後整醒左小吉出去又摸下蜆，希望摸到大蜆啦！
天朗氣清正到痺！

一早原來Mimi老公又在釣魚喇！整個沙灘好少會咁少人！幾靚！

結果係...滿地都拾到細蜆，我地只係揀大隻小小先要。
拾下摸下都玩左一朝！

差不多十二點先煮早餐食！

醒神早餐：燕麥麵包(烘底)夾芝士，白磨菇炒滑蛋，咖啡
首先我係度倒蛋

再加白磨菇

搞掂！

白磨菇炒滑蛋都唔錯啦！

一個包夾芝士！一個包夾白磨菇炒滑蛋！

食哂，夠哂滿足！

呢Ｄ就係我同小吉既收穫喇！

呢d係大隻d既，一陣煮黎食！

估下呢隻係乜？原來佢會伸展到好大架！

答案在此！

食飽後我地就揀下蜆，揀左大隻既一陣煮黎食。

我就切好午餐既食物，有臘腸，冬菇，蝦米。

之後就幫小吉收拾好行李，Mimi又給我地一碗蒜茸炒蜆。

拾野時間過得好快，不經不覺我地原本諗住食Tea既時間食飯都變了！
三點半我開始煮午餐，今次我要煮飯！又係要請教Mimi喇！

因為我地怕入夜後先執營會睇漏眼，所以整好哂先食飯。
結果下午餐既午餐又變了日落既午餐！


日落午餐：臘味飯，蒜茸辣椒炒蜆，炒什菌
第一次煲飯，臘味飯

結果不算太差，係我比多左小小水者！

但係唔明點解個底d飯比較濕！


小吉食左三個臘味飯，真大食呀！
不過我都食左兩碗呀！

懶得戚！

蒜茸辣椒炒蜆

小吉變左蜆怪，不停食！

原本用脆肉瓜黎炒什菌的，但怕食唔哂，結果淨炒什菌算了！

邊食飯邊睇埋日落！

今日個日落比尋日既大

食完飯仲睇埋日落先走添！好咸蛋黃呀！再見喇！
 

兩口子開心營！(上集)