但點知去到PEPPERONIS度發現咁多人，所以我地都坐低了。
原本坐個位有一大家庭係度好嘈！於是換左另一邊，氣氛唔同哂！
我地坐在角位既二人桌，做乜都無人知！哈哈！
做乜？畫公仔囉！我地叫左野食後就開始各自畫公仔囉！
用桌上既顔色蠟筆畫在白色的桌紙上，大家都好忙敢諗下畫乜先，好開心呀！
呢Ｄ就係我地既無聊作喇！
有發太陽光既蠟蠋啦！有隻為食鬼啦！成日都漏水既水杯啦！
杯要放番係杯位！碟要放番係碟位！連辣椒仔都有個靚位架！
玩完一輪，我地開餐了。
叫左一個招牌Pizza，中型既分量，小型又怕唔夠食，而且價錢相差20蚊咋！
我都分唔清呢個係厚批定薄批，但個皮都好脆！
只係唔夠芝士囉！趁熱食，凍左個皮比較實，但又奇怪依然脆的！
太多百里香灑左面了，可以少番Ｄ！
另外當然要食我至愛Pasta啦！
蒜茸炒蜆意粉，好香既蒜茸味，加上有少少辣椒，好野味！
Ｄ蜆係原隻架！唔係蜆肉，都有好多隻架！呢個好滿足！
下次多人Ｄ就可以叫多款Ｄ，有幾款都想食架！今次就食住呢Ｄ先！正！
我都好賞識呢個蒜茸炒蜆意粉!好冋夠蒜茸味!隻隻蜆都好有味 ! 個pizza其實都好好味架!可能我地得兩個人食個中pizza!有成六大件 !如果三個人分享每人兩件就啱啱好 ! 同埋我呢d手痕人趁未食得梗係亂畫一通啦 !
回覆刪除[版主回覆10/15/2008 14:27:00]蒜茸炒蜆意粉真係幾野味呀！ Pizza你自己都可以食三件啦！ 下次要係薯皮同燒骨！
個pizza都幾大下,你們食唔食得晒,個蒜茸炒蜆意粉好正,我至愛呀!!
回覆刪除[版主回覆10/15/2008 17:44:00]又係你至愛...........有人爭食添！
有冇飲奶昔呀? 好正架!!!
回覆刪除不過我去SOHO嗰間........ 薯皮一定要食, 好好食呢!
[版主回覆10/15/2008 17:45:00]奶昔？好少飲架喎！ 好啦！下次食薯皮！Yeah！
我記得仲有個墨西哥芝士片呀, 呢個熱辣辣食都好正架!
回覆刪除[版主回覆10/16/2008 16:32:00]墨西哥芝士片？點樣架先？ 睇怕要搵多Ｄ人去食先得喇！
The pizza looks so good!
回覆刪除[版主回覆10/16/2008 16:35:00]係呀！幾脆架！
原來我同噹婆........真係好大食呀
回覆刪除