終於食到喇!

終於食到喇!

之前睇到有個blog友小連介紹呢間在大角咀既力奇四季火鍋, 好正! 好好味敢!
於是上次小吉生日原本諗住同灰姑娘黎呢間火鍋店食既,
但鬼死咁多人, 我地只好放棄留番下次食.
今晚我同小吉就約埋灰姑娘食番餐勁喇! 我地仲有神秘嘉賓添!
就係瑤媽, 瑤爸同瑤瑤喇! 聞名不如見面, 果然食到好開心呀!
原來瑤媽好耐之前都黎食過架喇! 今次大家都留哂口水喇!

先黎個蕃茄薯仔湯底, 瑤媽話瑤瑤都好鍾意飲呢個湯架!

勁多蒜茸同辣椒, d辣椒少少都幾辣架喇!

鮮牛肉一般

手打墨滑, 手打蝦滑, 真係足料好彈牙! 必食!

手打蝦丸, 應該係落多左既, 原本刪除左既.
但都好好味! 成隻蝦敢.

龍蝦丸一般, 八爪魚丸, 幾有口感, 見到一粒粒既八爪魚粒 (雙併份量)

羊肉片, 不太羊味可接受.

桂花蚌, 幾新鮮幾爽! 正!

脆肉鯇片, 色澤幾好, 味道就唔知喇! 因為我無食......哈哈!

游水中蝦, 真係好新鮮, 仲郁緊架!

西洋菜, 未試過呢種菜打邊爐, 都幾好架!

鮮枝竹, 炸魚皮, 又係魚皮呀!............我閃啦! 哈哈!

重頭戲黎喇! 南非鮑魚.....第一次食咋!

一隻切片上碟, 好正呀! 快d食呀!

兩隻就原隻上, 真係好掂架! 我同小吉勁吉佢, 佢郁下郁下, 比我地玩死喇!

幾大娘! 係度影相! 哈哈!

雖然今次好滿足, 但番到屋企諗下諗下有d野未食敢喎!
呀!..........係聖子呀! 忘記左添! 算啦! 比個機會下次再食過!

大家估下今餐要幾錢呢？
答案：$952
每人200有找！