塔門周圍行

成日每逢周末先黎落雨，有Ｄ心灰添！諗好既活動都要改改，但地點不變。
今次周圍行就行下塔門喇！報告話：天氣陰天，會有微雨。
好彩最後成日都無事，只係搭車會西貢時先落小小雨。

在碼頭等船時見到好多人玩水上活動呀！好開心呀！心郁郁想玩艇添！
可能差不多夠鐘，見到有四個初學者比人拉回岸，真係好搞笑！
我差極都可以自己出入啦！呢個情況我都未試過又未見過呀！

十二點半終於到左塔門了，天陰陰但間中有太陽。

好彩我地堅持黎呢度行下者！我地離開碼頭就入村內既天后廟，
點知裝修工程進行中，正門入唔到，我地從後面小路上去，
因為我地要在廟隔離既小徑到觀海亭。

嘩！真係好大片草原呀！好大風，180度係海景呀！
下面係石灘，有些人在草地吹海風賞浪，而且仲係睇日出既好地方添！

我地影左一陣相就要趕路喇！北上向龍頸筋出發。

呢條唔係開揚明顯既小徑，間中有些泥路，間中要在樹中穿插！
千其唔好著短褲呀！

由於無明顯既山路，我地就一路行一路問下途人，不時睇下身在何方。
好喇！終於見到獅子滾球了，即係好快到龍頸筋了。

望到車灣石灘了，應該有條路落去龍頸筋的，
但我找唔到路，又怕行錯，途人有無，加上天陰既關係我地只好拆返。
我地沿途都可欣賞到海邊既危崖峭壁，雖然落唔到去但都影下個遠景先。
仲有人沿繩落去釣魚添！真勁呀！

回到觀海亭我地小休同開餐了，找個有利位置對住個海開餐。

正呀！小吉仲除埋對鞋，你估係外國野餐咩！
估唔到佳記既燒肉都幾好味，哈哈！個皮仲脆！
之後仲有葡撻，雖然唔熱但又出奇地好食喎！一人兩個唔駛爭。

食飽後我地就準備放下風箏喇！
正好左我隻叮噹先，點知一据高就好大風呀！好驚隻叮噹比風吹走呀！
小吉仲叫我放手比佢飛，我唔放呀！咁鬼死大風，吹掉左就無架喇！
我都係用黎影下相算喇！之後就用小吉隻紅膺黎放，佢話吹掉左都無所謂喎！
點知隻紅膺又唔聽話，怕大風怕多人，死都唔飛喎！激死小吉呀！
佢話可能太大風起左又落番喎！小吉於是收線，你睇好似老鼠敢拉住黎行幾懶！
見佢咁慘！我就比隻叮噹佢放下啦！初時叮噹唔飛架！不停敢原地轉，好搞笑！
兩隻風箏都唔聽話，怕大風怕多人。好彩最後叮噹都起飛左比我地開心番！

小吉放左手，我就殺左佢呀！
佢只開心到面向天，隻手指拎住個牌任向吹！

玩完一輪快樂不知時日過，我地好快敢收拾好後向疊石出發。

我地由上路行去睇疊石，原來都幾近的，仲鋪哂路添架！

疊石有好多正正方方既石，真係好得意架！

下次有時間一定要由石灘行過去，近距離欣賞。

小吉幾大力，拉開塊石呀！哈哈哈！

只係回望番往山頂方向咋！

後面係漁民新村，我地就無行了，因為唔想太夜出去。
我地搭5點船走，結束今次既小旅程了。

快Ｄ食番餐正架先！ -->>西貢 PEPPERONIS