喜愛大澳

大 澳

我都唔知點解對大澳特別喜愛.
記得讀書既時候, 好多時都會約同學仔一齊去影相,
因為大澳係好多影相發燒友既熱門地方.

以前好多人都會在石仔步碼頭等日落,
我亦係其中既一個, 大家都放哂d腳架同相機出來準備,
然後響度傾下計, 吹下風, 睇下人地釣魚, 都唔覺得無聊架!
等既時間雖然長, 而且未必睇得到咸蛋黃,
但當你親眼見到既時候, 你會覺得佢好靚, 好浪漫, 但好短暫.
有時當你影到既時候, 就更加開心.

以前過河要手拉船仔的, 現在沒有了.
興幸當時自己已去過, 否則都唔知有呢個轉變.

除左咸蛋黃, 呢度既咸魚, 蝦膏都好出名的, 亦係我影相既獵物.
而棚屋就係大澳既標籤, 一定會到此一遊的,
在不同時間不同日子拍攝番同一個景或物, 都會有另一番風味.
所以每次入到大澳, 就好似探望下d老朋友敢, 好有親切感.
可能因為呢個原因, 所以呢度係我好喜歡既地方.....大澳

石仔步碼頭以前有個頂呀! 現在舊的什麼都沒有了!

兩個好友被我老劫到大澳, 仲坐以前既船仔

唯一一次滿意既咸蛋黃

好破舊既棚屋, 船已改變左了.  舊的什麼都沒有了!

老朋友 - 慌癈石屋, 石霸

手信獵物

街上既塗鴉

隱藏左既大陽伯伯

碼頭不見了......舊的什麼都沒有了!

新建既海濱長廊

大橋代替了手拉船仔, 舊的什麼都沒有了!

茶果阿婆都走了

水中生物越來越少, 乾水了.

舊的什麼都沒有了!

我成日有個疑問, 點解要新建一些東西去取代舊有的東西?
我地可以回憶的東西只會越來越少!
社會既進步有時都會令人好惋惜的!