廿六日走左去睇劉德華演唱會, 但我今次唔係買四佰貴飛呀! 就在搖遠的距離支持佢咋! 雖然遠但睇得好開心呀! 新城仲頒左五個獎比佢添!
一開始個放電真係好激! 好似日本超人片敢, 放d死光打人敢, 好采做足安全設施有驚無險! 華仔係第一個華人同藝人做呢項表演呀! 今次佢仲成日站在高台上, 真的有些擔心! 有一幕華仔仲要比布捉住手腳拍到落張膠布上, 好心痛呀!
我比較喜歡佢重溫唱番舊歌, 因為識唱嘛! 哈哈! 今次又同黃蕊跳舞個段又好精彩呀! 比之前更好! 最後個段有兩隻公仔(Ada同黑仔)出場, 佢地好搞笑, 特別係隻黑仔, 佢好enjoy呢part敢, 著住呢個公仔衫重要不停敢跳舞, 又做左個斜身既動作, 真佩服呢位dancer!
成個演唱會最其怪係中場唱完隻歌後好似完場敢, 熄哂燈, 唔係嘛! 搞錯有人叫安歌添! 睇下個錶十點半左右咋喎! 敢樣黎搞氣氛? d人個個去哂廁所, 呢個係咪去廁所時間呀? 編排真係失敗!
另外最唔開心係在握手時佢被d女fans抓到, 仲大特寫左比我地睇, 真係好多爪印呀! 仲係見紅色添! 真係心痛呀! 太過份喇! 點解d人敢架! 佢最後叫d女仔唔該剪指甲先握手, 唉! 真係.....!!
沒有留言:
張貼留言