導火綫(Flash Point)

導火綫(Flash Point)
導演: 葉偉信
主演: 甄子丹, 古天樂, 范冰冰, 鄒兆龍, 呂良偉, 鄭則士, 許晴, 汪圓圓
片種: 動作
http://www.flashpointthemovie.com/
想知到乜野叫混合格鬥 Mixed Martial Arts (MMA), 入去電影動作概念睇睇啦！

繼上次殺破狼後，終於等到呢套導火綫上畫了。
今次甄子丹用左混合格鬥 Mixed Martial Arts (MMA) 作為動作設計藍本，
睇到我好鬼肉緊，拳拳到肉，真係......勁勁勁！
其實呢套係咪殺破狼既續集呢？因為甄子丹都係叫馬軍，一樣係警察。

葉偉信同杜棋峰一樣好鐘意用以前拍電視電影既藝員，因為佢地都係老戲骨嘛！一定入型入格啦！
上半部多數係講番呢三個越南兄弟點樣同其他大佬去爭鬥，講下古仔既身份，唔係太多打戲。
下半部先去對付個三個越南仔。

我之前重以為古仔會好好打，點知....
只係得一場同甄子丹打，好肉緊。但知道佢地點解打之後又覺得好搞笑。

最緊張肉緊在尾段真係打到飛起，鄒兆龍(洪金寶既徒弟)佢同甄子丹一連15-20分鐘真實打鬥。
嘩！真係唔知點講！總之兩個都係勁！

除左打鬥之外，其實佢都有個信息帶出的。
馬軍因為捉人而常被人投數打傷人。
有幾場打到個人都無反抗能力，但佢都繼續打。
有好多周圍既人都睇到心寒。
究竟警察捉賊係咪要打到敢呢？
最後馬軍都自覺到......結果Tony......

另外推介
殺破狼
導演：葉偉信
監製：張承勷
動作導演：甄子丹
領銜主演：甄子丹、洪金寶、任達華
特別演出：吳京
主演：廖啟智、夏韶聲、智堯、惠天賜、洪天明、谷垣健治
http://www.shapolangthemovie.com/