澳洲開恩茲, 布里斯本, 黃金海岸十天自己遊 (二)

20060401 Day 2 Cairns

早餐食左個Salad Roll同Cappacino, 之後就在酒店附近睇下周圍環境, 都幾方便, 有超級市場.
之後又沿住海邊行出去, 有好多人好休閒敢跑步. 13:00左右回到酒店, 但個職員話未有房住仲清理緊.
我地只好睇住d Local tour, 等多一陣取得房間(134)了.
換好哂夏天衫後, 在reception book了明天潛水. 通常今日就預訂明日既節目.

午餐我地食左個超大既飽加汽水, 一個係雞肉, 一個係Ham, 天氣好熱, 唔係好想食飯.

飽飽後, 我地行到一個露天泳池Lagoon Esplande, 呢度好多人好熱鬧, 周圍仲有一些小舖賣野.
我地都除哂鞋落水玩添! 兩旁亦有好多人在草地曬太陽, 仲係無上裝添!
回程都冇乜野買到, 只係買左樽橙汁.
回到酒店有一陣陣燒烤味, 原來你可以自己買野回來燒, 仲係池邊燒烤添!
但我地得兩個人又點買二人份量呢? 只好放棄.

晚餐在酒店斜對面既一間Acacia Court食seafood buffet, 款式一定比唔上香港, 但就幾新鮮.
照例潛水前一晚都係要早些訓, 要有好既精神.

(有更多相片, 請睇相簿啦)

澳洲開恩茲, 布里斯本, 黃金海岸十天自己遊 (三)