澳門之十條腿(二)

繼續……7月30日

07:30 起身, 準備八點在酒店泳池游水，但型姐話要訓覺，所以只得我地八條腿包池。
游游下我地又話不如拿相機落黎影相，難得包池嘛！於是我地一鋪定輸贏，
結果我第一個勝出，賓妮落敗。
佢地兩個男人要一個女人自己上去拿相機，唉！世界真係。。。
我地等左一陣賓妮回來了，我地快速影相，連在旁既職員都睇到笑。
影完後我地上房沖涼之後在酒店食早餐。

9:30 一齊早餐，早餐就無乜選擇，我最重要有個好食既麵飽, 飲杯橙汁就得喇！
大家都驚一陣唔知幾時才食Lunch，個個都話要食飽Ｄ趕上路。
哈哈！我地仲拿左八隻熟蛋諗住肚餓頂肚。

10:30 我地五人搭的士出發媽祖文化村，
我地先在個牌坊影下相，等十一點個班免費車上去大宮殿度影相。
上度去真係好鬼大，仲好鬼曬，個個都拿住把傘或避在陰處 等，等乜？等度位影相囉！
影左一輪大合照後，大家各自周圍影下相。
由於天氣太曬，型姐同賓妮都熱到曝，滿面都係水，都唔知係流汗定係淚水。
太子威仲慘，佢度左位先叫人行去影相，佢既曝曬程度有9分，10分滿分。
但佢開心程度應該係滿分掛！(幫人影靚靚) 哈哈！之後我地入去宮殿在陰涼既地方取景。
















去完宮殿後，便到寶鼎再影。





之後再行多一 陣就見到個媽祖像，由於當時十二點幾，光線唔係太好，影出來不是太靚。





可以遠望到黑沙沙灘個邊。

另外有條路可以行落去的，但一定要秋天先得，否則中暑都有。

13:15 搭個架免費車落番牌坊，然後我地搭巴士離開文化村去路環市區。
先到順便睇下 聖方濟各教堂，個教堂好細的。
但最奇怪係點解天主教堂內有個中國樣既女子掛畫？唔記得佢叫乜名了。
途經個間雅憇，有些外國人在食野，但見到Ｄ食物唔多吸引 便走人。



之後去安德魯食葡撻，一人一個，其實都有好多人揸車來買。
除左葡撻，仲有朱古力撻，生果杯，芝士蛋糕等。
最搞笑係當我離開門口時，有個員工 見我拿住本書，我就同佢講我地特登黎買葡撻食架！
佢就笑笑口同滿頭大汗敢話，我地已經好紅喇喎！
佢又成日睇我住我本書，原來佢想望下見唔見到佢自己個樣喎！哈哈!


個皮好鬆好正, 趁熱食, 正!

下站係黑沙沙灘，午餐在法蘭度餐廳，呢度係無冷氣的。
門口同內裡都有位，入面就有風味些，因為係格仔桌布，走廊牆上貼滿銀紙。
仲有外面露天既坐位，但今次唔好預我。
我地叫左四樣野，燒乳豬都幾脆但肥左Ｄ，煎蝦碌個汁好野味，
馬介休炒飯唔見有馬介休味，燒牛仔肉就無乜驚喜但又唔係難食。







原本諗住在沙灘個邊買燒雞翼同豬扒飽，但大家都食到好飽，
結果沒有食到，三點幾又到人生交叉點既時候。

(方案一) 原先諗住搭車去參觀盧家大宅，之後在手信街買手信，之係再回酒店
(方案二) 怕出到去盧家大宅好晏，往氹仔-官也街附近買手信，之係再回酒店

結果:
16:00 官也街買手信
16:30 搭巴士回酒店取行李
17:20 搭車去港澳碼頭
17:40 到碼頭, 諗住可提早搭18:30班船走, 所以拖住行李先去左八佰伴逛一陣.
18:15 回碼頭, 但結果沒有補位好爆, 我地只好去新馬路個邊食左野先搭番20:30班船走

18:20 我地搭左英皇架酒店車入去新馬路, 之後行左去福隆新街既祥記粉麵,
一人一份蝦子撈麵就好正, 不過細碟左. 終於有枝大可樂好夠氣,
通菜無乜特別, 雲吞好細粒, 咖哩牛腩又係無咖哩味, 金沙鯪魚球都好正!
(佢話金沙無敢多油喎!)
飽飽後, 又要回程了, 一見到有車, 立即上左先算了.






20:30 開船走人

多謝收睇!!

如有興趣, 請睇睇相簿有其他風景及食物相片.