PG奇妙旅程~Day3@Sabang, Puerto Galera Diving

給我一個奇妙潛水之旅

Sabang, Puerto Galera Diving

20120317 Day3

例牌既早餐！

終於選擇了另一款早餐就係pancake

內面可選擇菠蘿或香蕉，我就要菠蘿喇！

我覺得呢度係收Wifi最好既地方！

今日最後一天上堂，天氣都幾好！

番房準備換衫出動！

呢朝早未落水時大家在泳池影大合照，四十人都應該幾誇張呀！

之後3 team人都影番張留念！
我地係B Team, training team小合照！

另外仲有C team, 休閒diving team，D team, technical diving team

3rd Dive, Alma Jane

今朝我地就係要深潛，下潛到30M

大家沿住繩下潛到沉船位，第一次落咁深，真係擔心唔知得唔得？

一邊下潛，一邊慢慢反壓，好彩得左！

耳仔無事，可以潛到30M喇！

有時仲不知不覺地潛到船底見到32M，即刻浮番上一Ｄ！

呢條好得意既係乜呢？剛剛在船側邊游過！

小吉，教練，同學Jane

大家影番張沉船大合照先，好靚呀！

上水前，大家拿著繩作5M三分鐘既安全停留
呢個咁勁既肥谷梗係唔駛捉住繩啦！
好休閒敢浮左係度就得喇！

望到船底添！你話ｄ水幾清呢！
最頂果四條腿應該係最大氣既人兄！

小吉永遠都有靚姿勢既！又有靚相喇！

4th Dive, Sabang Bay

練習三點定位加尋回，打澇，浮升物件
教練事先放左一件物件在水底，大家準備下潛搵野喇！
GoGoGo！

David睇住我同小吉做練習，但一見到鏡頭只係識得Say Hi！

我地之前在水面作三點定位，之後下潛後就要搵番方向！

之後一個跪在中心點，然後拉繩沿中心點去搵番件物件。
每次放繩一兩米，睇下水清唔清作出改動啦！
條繩差Ｄ攔住David添！

好搞笑既係，當我在中心位，小吉就拉繩沿著我搵野時，

我覺得佢太大力，所以我比佢既繩拉起左！

最後好彩用番三點定位，搵番方向，最後都搵到物件。

之後就用繩結將物件和浮升袋分別索好！

用二級每次打少少氣，就可以利用浮升袋將物件上升！

之後同小吉交換角色做，原來我都拉起左佢！
可能大家拉緊條繩，一邊fin住打圈，咪容易帶起左另一邊囉！

不過最搞笑時係小吉打繩結，佢忘記了！

搞左好耐最後都成功將物件上升！

因為我地搞耐左，DM就帶左其他人游一轉睇下野先！

嘩！好大群魚呀！

上水了！呢個係邊個呢？影得好靚呀！

多謝哂Mr.
Moon幫大家影靚相！

下午兩點幾，我地費是行咁遠，因為之後要夜潛！
大家就在Resort開餐！估唔到都幾好味喎！

先黎一杯Chocolate Shake, Mango Shake

我同小吉要茄汁蝦意粉，
都幾好味！





漢堡扒包

出奇地好好味！多汁！

同學Jane既健康沙律

茄汁蝦，青口意粉

其他又無影到相，因為顧住睇相！
Mr. Moon將幫我地既影既相播出黎大電視睇！
真係唔該哂！

5th Dive, Sabang Wreck

第一次夜潛，事前真係有Ｄ擔心呀！

好彩落水時天仲未黑哂！落水前就開定電筒！

令到我更緊張既係，我開唔到個電筒呀！

得番我同DM未落水，連DM搞左好耐先開到電筒呀！

最後落左水即刻搵番個Buddy, David Sir先！

心情緊張都無計啦！個個都下潛喇！掛個勇字行頭，落呀！

E...落到去又唔係好黑喎！

因為個個都有電筒，又有支太陽燈，唔係好驚喎！

於是跟著大隊一路潛喇！

DM不時指比我地睇Ｄ小生物，恐懼感無哂了！

最後大家都安全上哂水，一個都不能少！

大家開開心心完哂兩日既練習了！

我最擔心既深潛和夜潛都過了，舒服哂！



晚餐可以慶祝下喇！

天花都用左ｄ心思喎！

話要坐呢度先有Wifi喎！

呃人既！周圍都得啦！


等食中，各人都在玩手機！

下午果餐ｄ牛都幾好，夜晚又試下先！

都幾好！真係唔會全熟！

燒骨，好香口，ｄ肉仲有汁，唔會太乾！

又有Pizza share食，不過我食唔到了！

賣相都幾好！

最後食完飯，我地幾個人去左做腳仔按摩

P350一個鐘，幾抵！抖抖都好啦！

環境就一般啦！
不過按我果個好唔掂！按下又走開，未到一個鐘就收手！

今晚訓得安樂了，其實可能係兩日都無乜點訓，太倦了！

最後十一點幾番到Resort！
大家又食番個消夜滿足下先！

續...

PG奇妙旅程~Day1@Sabang, Puerto Galera Diving
PG奇妙旅程~Day2@Sabang, Puerto Galera Diving
PG奇妙旅程~Day3@Sabang, Puerto Galera Diving
PG奇妙旅程~Day4@Sabang, Puerto Galera Diving
PG奇妙旅程~Day5@Sabang, Puerto Galera Diving
PG奇妙旅程~Day6@Sabang, Puerto Galera Diving