好友生日飯@鼎泰豐

三月份好多人生日，今次提早同三個好友慶祝下先！
型姐，威少和亮哥

今次唔食放題改選台灣出名既鼎泰豐，都係米芝蓮食店之一。
去左兩次台灣都無食到，太多人了！
今次一於去尖沙咀呢間試下先！

因為未齊人唔比入，若果一定要入就限左時間走，
我地只好等齊人先入啦！

未入座前已選了食物，所以坐下不久就開餐了。

飲杯！三位生日快樂！

原味水晶肉，無乜特別，唔夠味！

鹵水牛肚，好林！又可能係切得薄啦！


蒜香粉皮肉，粉皮太少了，唔夠喉！


特色小籠包

唔知有乜特色，比一般小籠包好係因為皮薄！
仲有十八摺架！


紹興醉雞，幾好味！好滑！

又來一碟，三隻野齊齊爭住影添！
人未食，相機先食！


辣味小黃瓜，幾好味唔咪太辣


雞絲蝦仁春卷，春卷皮夠薄，又熱夠脆！正！


香菇素餃，無乜特別！


蟹粉小籠包，唔係當造時間！

蟹粉唔多，吸一口就無了！
又係勝在皮薄！好似食包心丸！


台式酸辣湯，唔似一般生粉水！

豆腐切成幼絲，幾好味！


油豆腐粉絲湯，無乜特別！

炸醬拌麵，無乜特別！


台式擔擔撈麵，唔似平時食好多湯果Ｄ，撈麵吸哂汁，正！


蝦肉紅油抄手，個汁真係幾好味！又酸又甜少少少辣！


蝦仁蛋炒飯，飯都炒到粒粒，蝦都大隻！

食都八八九九，店員就問我地上埋個豆沙小籠包嗎？

幾好禮貌呀！之後就換上新碟食一粒豆沙小籠包！
因為唔想食包太飽，所以試下呢款小籠包甜品

一口豆沙小籠包

好似食紅豆沙湯水敢，不過係豆沙餡，
加埋用小籠包既皮包，幾特別！


飽飽！

結論：七蚊位茶位都唔算好貴！

除左食物外，服務都幾好！

常常幫客人加水，食完既餸菜都好快幫你收走！

最搞笑係男仕們入廁所時有個阿姐幫你開門！

最後結賬後員工比番張信用咭我時，
好有禮貌地信用咭和單整好後，雙手比番客人！

好耐無餐廳會咁好禮貌了！服務抵讚！

但要改進既係要等齊人先可以入囉！否則入座後就要限時囉！

所以大家最好齊人先去啦！