繼續海下浮潛+獨木舟(三)

哈哈哈哈！星期六又再戰海下！

真係次次去都有不同野睇
呀！
今次失望既係海星同軟珊瑚走左去放暑期，
換來既係不同既魚群！走入魚群中好似潛水一樣，正！

今次除左小雲小吉外，仲有
佢兩個朋友仔Kathie & Ricky，
我地一行五人再出發喇！
       
原本諗住一人一隻單人艇，
但因為小吉忘記左book艇，
最後我地三隻單人，一隻雙人！
初時在岸邊做完熱身，就在附近適應下就向第三區出發。
今次第三區無上
次咁清添！

我
地今次在浮波位迫艇和落艇，之後就開始浮潛了！
可惜我只見到兩棵至愛既軟珊瑚咋！


開始落水浮潛喇！

我同小吉

Ricky, Kathie, 小雲小吉

估下我影乜?
左邊有隻扇貝, 右邊有條黃黑間色既小魚仔

硬珊瑚

好在又比我影倒魚群！

又係可怕既海刺!

呢條又乜野魚呢?

我地浮潛間都有兩班人在浮潛呀！好熱鬧！
不過佢地走時就因為隻艇反左，而係度搞左好耐。

但我覺得佢地應該在浮波
外搞囉！

人
人係度浮潛，佢地就在扒艇，好易拍倒人者！


       
中午我地就去番沙灘食野！
今
次懶得拉隻艇在淺水位上艇，在深水位上艇，大家合作下都好容易上倒艇。
       
我地先幫Ricky上艇，
點知佢上左後，不知點解佢又跌番落艇，好搞笑！

艇都反埋！莫名其妙！

小吉同佢一齊在淺水位
倒番水後就再上艇走人。
各人都上左艇向沙灘出發，點知我同小吉既雙人艇入水。

佢地都扒哂去沙灘喇！我地
只好扒回淺水位又倒水，真係唔知點解？

倒水後再出發
但我
地扒左一陣發現控制唔到方向，成日都轉左，真後激鬼死！

唯有扒兩扒一轉左又急停
啦！
又無人幫到手，佢地已經上哂沙灘，真係心急喇！

終於埋到沙灘喇！唉！好
倦呀！



       
好在今次帶備左野食，即係
開餐喇！
小雲小吉整左瑞士雞翼和外賣咖哩魚蛋。
我就整左生果螺絲粉。

食到一半先記得影番張相

食飽飽後就在沙灘浮潛左一陣，今次見唔到海星喇！
莫非佢地都出左海玩？
換來好多
海刺，好驚被刺倒呀！小心！

仲有同寄居蟹玩

上水時都有Ｄ凍！可能天陰左，又聽到遠處有雷聲。
最後我地向第一區出發喇！

今次我同小雲小吉一隻艇，
因
為隻雙人艇真係有些問題，控制唔到外又有些入水。
小吉初時幫我地領航，但又成日左右擺。

最後我同小雲小吉就靠自己
啦！努力扒左一輪，好倦呀！
小吉就在隔岸觀火，仲拍埋片添！

最後都被迫回航，因為入
水情況越來越多了。
我地既雙人艇比Kathie和小吉夾在中間引領回航。
哈哈哈哈！好爽呀！唔駛扒！
我地仲同Ricky比賽添！
哈哈！苦中作樂！

回左航後，我地還剩一隻艇放野，

因為小雲小吉隻手指甩皮，
就由佢負責扒啦！
其他人就游去第一區繼續浮潛睇野喇！

呢度係最多人的，因為近沙灘
嘛！我地放好艇後又開始玩浮潛了。


今次有好多魚群周圍游，我仲
游入中間好似比魚群包圍添！好有潛水feel呀！

好多Dory呀!

等左好耐既蟹先生呀!

想走?

d孔有魚仔出出入入架!

小吉等左佢妤耐了

保護色既蟹呀! 逃走緊!

唔同既魚群! 轉到眼花呀!

拍拖魚呀!

仲想走! 快拍!

好多細魚群沖埋黎呀!

小吉休閒浮

影得幾好呀!
難得捕捉倒!

仲有小雲小吉既背影

小吉幾受歡迎, 比超細魚群圍攻呀!

玩到五點幾要回程喇！真係快樂不知時日過！

好在我地趕到搭尾班車
走，唔係就要搭貴的喇！