休閒日~打亂陣腳

原本星期六去女友家玩煮飯仔,
試下女友既煎牛扒, 小吉靚湯, 和我既......法式焦糖布甸.
結果我地放棄哂! 因為星期五晚女友發現個爐壞左!
最後我地改為在會所游下水, 浸下Jacuzzi, 再加埋Steam,
回到女友家成個人散哂!
佢同小吉就沖咖啡和朱古力飲, 加埋Towngas既月餅!
我就坐係度吹吹風等食, 爽呀!

佢地整野, 我就影下相啦! 電話質素係敢上下啦!

特登比我既套裝餐具!

覆盆子既朱古力

白朱古力

加埋盒Towngas月餅, 爽呀!

好似係有綠茶, 柳橙, 薰衣草, 同埋唔知乜野莓味!

之後就一邊幫女友整機, 一邊睇飲食節目,
搞掂哂就落去食飯,
一下子望到夜晚既室外泳池好靚喎! 忍唔住又影番張先!

最後我地去左食自家烏冬
呢個係雞粒野菌掛烏冬 (南瓜汁)

因為食物係 "溫" 既關係, 所以一般啦! 我鍾意熱騰騰或凍冰冰多d!

獎門推介, 有少少辣的, 係用蝦湯底, 所以幾好味!

不過佢寫明係 "熱" 的, 點知都係溫咋! 激死!

冷烏冬, 若果再 "林" 小小就最正喇!
 

仲有四隻既雞軟骨餃子, 又幾得意喎!

因為女友上次話鍾意食法式焦糖布甸
原本整左準備帶去的, 但份量少左d喎! 怕佢唔夠食!

今次就留番比自己試食先, 下次煮飯仔再帶去!
因為小火熗唔夠大火, 要慢慢燒!
試食結果係滿意的, 有佢想食既表面脆焦糖, 入面就凍布甸!

期待下次整多小小份量先再比佢食啦!