台北自己遊 Day 2 (Part 2)

20100226 (五)
 台北自己遊 Day 2 (Part 2)

四點左右, 我們終於到了北投

途經凱達格蘭文化館, 不過無時間入去睇了

好得意既木頭人, 好似歡迎我們敢!

我們先去參觀北投溫泉博物館, 因為佢地五點鐘關門.

仲有時間, 我們再去埋地熱谷, 途經新北投公園外,
泉既源頭流入溫泉水在新北投公園既外圍, 好多當地人都在浸腳

好快到了地熱谷

在龍泉溫泉附近

一入去就見到好大煙

呢度氣溫真係好熱, 泉水溫度有90度以上
係大屯火山群區內最高既溫泉

好熱呀!

大隻妹都話好熱呀!

泉水流向門口

五點了, 比人趕喇! 走人!

行左成日除左小食外, 現在才食野咋! 已經五點了!
其實佢地下午休息, 再開五點鐘者!
滿來溫泉拉麵

店內好巴閉架! 佢指定你坐乜個位, 兩人坐一邊
因為我們坐在店內既正中八人桌, 牆上貼左紙不可拍攝
我們就沒有影了, 坐在邊邊既人就靜雞雞影
不過我覺得d拉麵係唔好食既, 麵條較硬, 唔係彈牙
但個溫泉豆腐就幾好味!

食完大碗麵都六點了, 原本計劃去淡水的, 但太遲了!
加上拎住個背包行左成日都好倦, 我們便回酒店休息一陣先算了

回程途經之前很多人在浸腳既天然溫泉, 我們一於試下呢個免費溫泉啦!
行左成日, 浸下腳真係好舒服! 呢度d溫泉水係熱架!

部份水都幾急, 小心!

地道免費溫泉呀!

我都試埋一份, 行過去時小心跌腳!

d水真係好清架! 又有水流, 所以唔會dirty!
天開始黑了, 我們都走喇!
好彩浸一浸, 對腳舒服哂!

呢間係北投既圖書館

我們搭捷運回酒店了, 呢個係新北投站, 係北投站既支線, 坐一個站就轉車了

車箱好特別, 成個木桐放係度做擺設添!

車架外精心設計架!

番到台北花園大酒店, 大家都訓左係度唔想郁!
小吉就介紹下我們升左級既精緻套房Junior Suite, 間房都幾大

半獨立式客廳, 32吋液晶電視

乾溼分離豪華浴室
行左成日, 我們在此浸腳, 爽呀!

獨立廁所, 比地方比較小!
TOTO免治馬桶座

21:30 抖左一輪出去食飯了!

我們去左度小月食晚餐

因為唔係太肚餓, 都係叫小食, 點知...都係好飽!
擔擔湯麵, 無乜特別

肉燥飯, 無乜特別

蝦捲, 幾好味!

肉圓, 熱食就OK! 酸酸甜甜, 凍左d皮就硬哂!

櫻花蝦高麗菜, 好大碟!
以為好似第一晚懷石既前菜櫻花蝦一樣, 點知咁大隻蝦!

有興趣請繼續

20100227 (六)

台北自己遊 Day 3 (Part 1)