台北自己遊 Day 2 (Part 1)

20100226 (五)
台北自己遊 Day 2 (Part 1)

訓左一晚成個人都精神哂! 又要出發去玩了!
09:00 在會館食個早餐先, 有一份固定既早餐

我就唔多鍾意喇! 好似韓國人既早餐, Sorry! 我放棄左佢!

另外就有自助早餐區, 不過無乜款式, 好彩有即沖咖啡和麵包.

食飽飽就回房順便影下周圍環境
呢度係地下影番上房, 我們住210

上午在房間可以一邊浸溫泉, 一邊睇山景

小吉係度影乜呢?

原來影到出面流下來既溫泉水

臨離開都去影下個陽光充沛既溫泉

個情侶池換水添!

裸湯就要上樓上喇!

又要上番條斜路先到車站, 好彩仲係精力充沛!
Bye Bye!

每逄踏正就有車開出, 等左一陣就有車了!
(因為昨晚果位司機比左個時間表我)
我們坐車落去陽明山公園, 途經天籟溫泉會館, 即係有好多人上車.
落山既路轉左又轉右, 都搞到有少少倦! 好彩未夠一個鐘終於到了!

因為今日係陽明山花季既第一天
我們第一次嘗櫻花咋!
在車場有好多人都等108號公車, 去遊循環路線參觀
我就排隊先, 小吉就影下周圍既小食

粟一燒

排左一陣都係唔排了, 怕遊完竹子湖和小油坑唔夠時間番黎影櫻花.
結果都係決定行入陽明山公園影櫻花先, 臨走梗係買支雪糕邊行邊食啦!
好好味既芒果!

門口除左小食賣, 仲有花賣添!

有d野食仲可以坐係度慢慢食!

沿路兩旁都已經見到櫻花了, 好開心呀!

仲要行一段路才到公園入口

到左大門口了, 不過仲要慢慢行入去

又有小食賣

忍唔住要買黎試試!

熱騰騰既蔬菜地瓜餅, 好好味! 凍左無敢好食喇! 出左好多油!

我們繼續向花鐘出發, 沿途都有很多櫻花
主要係白色, 淺粉紅和粉紅

到左廣場有活動表演

除左櫻花仲有其他不同既花

無去竹子湖梗係要影番張靚靚啦!

花鐘又係必影之選

有公仔在場同小朋友影相添!

周圍仲有好多不同既表演, 手工藝和書法

休息了一陣, 我們又去睇大屯瀑布喇!

點解咁小會叫大屯瀑布呢?

唔知好唔好飲呢?

三點半左右, 係時候又要走了, 我們搭小9到北投
等車期間發現在車站後面可以見到瀑布既下游
原來我們頭先應該係在瀑布既中間位


有興趣請繼續

20100226 (五)

台北自己遊 Day 2 (Part 2)