太恐怖既颱風"巨爵"

呢個颱風"巨爵"真係太恐怖了！又正正吹向我房既窗口，之前試過窗邊有空隙，搞到入哂水。事後都貼左窗口用既棉條，又加埋玻璃膠，諗住今次無事啦！點知1號風球果日我已經知道又唔得了，唯有又用垃圾袋圍住個窗邊啦！到左8號時，我已經開始用毛巾黎吸水了。我心跳加速添呀！真係好驚呀！唔想好似上一次敢整晚係度吸水，不時又打開窗瀉一些水走，check下仲有冇位瀉水，呢個看守工作持續左三個鐘。好在後來小吉教路下，再把垃圾袋整好放短些，終於無乜水入了。我依然唔放心，訓下又醒，一有雨水打落個窗度，我又起身睇下有冇瀉水。可能睇左幾次都無事，終於可心些訓了，又可能個風離開緊啦！好彩今朝可以訓到10點者！安心哂！

番到公司都11點幾，原來公司個窗台都瀉水，我個同事既位就比樓上既窗台瀉水滴落黎，佢張枱一邊濕哂！地毯濕埋！好在老細同佢清理好我先番到者！哈哈哈哈！

之後望出窗口又有奇景太恐怖了！一有風吹仲不時搖動添！若果再掉落下面就慘了，係人地既天台，好危險呀！成朝都好似無人理過佢敢，點搞呀？