梅窩至東涌~周圍行

食左咁多日要郁下喇！星期天天氣好好！
一早超人，小吉和我搭船入梅窩，開始我地既美食郊遊之行！
入到梅窩食完早餐就去買定我地既食量，呢樣好重要架！
就算我地迷左路都唔會餓死嘛！哈哈！
準備好就開始出發由梅窩行至東涌！

去到郊外人都開心Ｄ！精神Ｄ！
我地沿著奧運徑而行，輕輕鬆鬆一路唱歌一路行真係開心架！
住係呢度既人又好休閒，仲有好靚既屋添！
沿途都有指示牌，唔會行錯路，我地開始上山了。

行左不久已經有一個公廁，方便完就跟指示而行，離開白銀鄉再經文武廟！

沿途會有呢d奧運項目標誌，第一個係自行車
荒廢既廁所

到達銀礦瀑布，因為冬天唔係太多河水流過，仲可以企落去影相添！
大家估下紅色果座係乜？

到左銀礦洞，內面無得入架！只係細細個洞仔！
但企係裡面播歌，Ｄ聲音好響好正呀！無端端話要扮真子喎！

又有一個田徑既標誌，超人即刻擺番個posts先！
我地開始行上山，風景幾靚架！又有一個羽毛球既標誌，個影係邊個呢?

因為唔係泥路，沿梯級而上都幾倦架！

上到一半我地口痕食下野先，就係麥記雞翼喇！
一人有兩隻，一邊食一邊望番梅窩碼頭，正呀！

又有一個游泳既標誌，邊個影最似游泳呢?

到左望渡坳，呢個係山既高度指標，我地梗係要留個紀念啦！
小吉見到咁高都要跳到上去，真係得架喇！
之後超人都跟住上，我呢？比人擺左上去囉！哈哈！

之後佢地又跳上去坐黎影相，好叻咩！上左去又整到pat pat痛！

雖然呢度有個避雨亭，但我地未肚餓住，下站先開餐！
我地就開始落山喇！因為呢條係奧運徑，我地要做番Ｄ奧運既動作先。
大家又係度拉下根，佢兩個仲表演超高難度體操動作添！
笑C我喇！佢地玩完話仲辛苦過行山喎！

又有一個擊劍和鐵人三項既標誌，我地扮既動作似唔似呢?

到左休息既涼亭喇！天氣真係好呀！我地就係呢度開餐啦！

先黎一人一隻雞脾，好好味呀！
當我地食緊既時候有另一班人上到黎，見到我地既野食唔知有冇流口水呢？

之後仲有叉燒飽，菜肉飽，糯米卷，係咪好有茶樓Feel呢！
支蘋果莉幾好飲架！不過我地見到兩個外國人係度飲啤酒呀！真係勁！
之後又食埋大大粒又好味既蕃茄仔，真係爽呀！Relax！

天氣咁好，突然間超人就諗起會長既綠茶廣告，話要影番張咁自然既相喎！

於是我地又玩野喇！不過都影唔到會長果張咁正既相！哈哈！笑C會長呀！

由於太陽都開始落，個影都離開遠左好多，呢個係射擊既標誌！
無端端有幾棵仙人掌，梗要影番張靚相先啦！

要向右邊而行係牛牯塱

又有個賽艇既標誌！你睇兩個傻仔好似呀！

離開左山路行緊車路時，我突然想影番張合照，
便在路中就埋個太陽位擺哂posts先，

點知有個男人坐住架電單車駛到停左係我地後面，比佢見到我地既posts添！

佢笑笑口敢話駛唔駛幫你地影呀？車！梗係唔駛啦！我鍾意影呢Ｄ呀！

哈哈！不過都唔該佢啦！

行行食完薯片之後梗係要食番個梨解番渴啦！
無哂太陽點算呢? 月亮都出埋喇！
比我諗到放在個球位度，係咪好叻呢? 呢個係乒乓球既標誌！

好奇怪既樹呀！沿途都有好特別既植物和生果！

到左白芒村既試劍石，佢兩個又爬高爬低喇！超人仲劃花左隻手添！

我就唔爬喇！之後比小吉發現後面有位企，終是又影過！哈哈！

兩個又係度玩風帆船喇！幾搞野！呢個係帆船既標誌！

最後呢個係馬術既標誌！有些人係度釣魚添！
完成了奧運徑既路，再行落行人隧道就到東涌架喇！
口痕痕，食埋包芝士腸先！

一條大直路，我地係度散步左差不多一個鐘，因為我地不停影！

嘩！天色好靚呀！飛機撞珍寶珠呀！哈哈！

行到天黑了！哈哈！

最後係東薈城既嚐越食飯，不過唔咪好掂！
我地笑言下次玩煮飯仔，可以整番餐一樣既都好食過佢整果d！

呃人蝦仔柚子沙律，一隻蝦開一半，實得三隻蝦！

鬆肉粉炒牛柳粒，牛柳勁Lum！個汁OK！

無味海鮮炒飯，都唔駛講啦！無味可言，自己加d檬粉既汁！

細細粒青口，咪得果細細粒囉！