大帽山睇小雲~周圍行

星期日六條腿又出動了，食完早餐後差不多十一點，
我地就在如心廣場搭51號上大帽山，好彩在總站搭者！第二個站都無位坐了。
天氣都唔錯，有好多人都去呢度野餐或燒野食。
去到大帽山郊野公園落車，然後過對面公園入口，
沿住斜路直上就見到公園既小食亭，周圍都有唔同既路徑行的。
我地就在呢度準備出發上山頂喇！

沿大帽山道車路直上途經遊客中心，周圍風景區都幾靚架！
一路上都見到大帽山架！有好多行山既人已經落山了，我地依家先上山添！
上埋呢段斜路就無車進入架喇！要上去就要自己行啦！
超人已急不及待要食麥提莎喇！

上圖紅色線既地方就係我地証山既路喇！

經過更亭向山頂出發了，行左一陣，
我地見到有人從小徑而上，放棄行石屎路"Z"而上。
因為行石屎路都幾悶架！
我地就膽粗粗敢跟住呢條小路而上，上左就無得掉頭架喇！
(上圖紅色線既地方)

一路上望見周圍環境都好靚呀！望到青馬大橋，汀九大橋，元朗，石岡等地方。
但呢段路兩邊係無野扶的，有時要用手幫手輔助，
諗清楚先踏步，有Ｄ位都幾斜同有碎石，所以都要好小心呀！

我地行到一半都抖左一陣先繼續，幾倦架！
明明見到山頂但偏偏未到頂，好在有180度既環境陪住我地者！

終於到達山頂975M，都幾大風架！
雖然呢條路都幾倦，手腳並用，但都幾好玩，好有攀山既感覺，
我地好開心終於上到香港最高既山頂喇！
你睇小吉同超人幾百厭，爬鐵絲圍欄呀！

新建的雷達站，球體與方柱的組合，
周圍都有圍欄和危險既警告牌，禁止進入的。
我地好似偷渡客敢沿住圍欄向正門果邊行。

到達左雷達站既正門，終於有得休息喇!

有好多遊人都在周圍拍照了，我地梗係影完先食野啦！
小吉同超人邊個跳得高d呢?

開餐啦！六條腿食幾多野！
張開口就痛人比野食架喇！

今次帶埋我個老友叮噹出黎玩添！
偷睇我地食野呀！
餐後食埋個超大雪梨，好彩食三份一者！

食飽影番張相留念先！

食飽過後都三點幾了，計過時間若果落去鉛礦坳要兩個鐘，都五點幾了，
但果度無車走的，要再行去城門水塘先有車走，又要個幾鐘，天都黑啦！
最後我地唔想咁趕住走，慢慢沿住上山果條'Z'路落山了。
沿途個天好靚，雲好靚，我地又不停影相，好開心呢呀！

佢兩個駛唔駛做哂post呀！

由於太陽入左雲層內，我地仲停下來睇埋日落添！
當我在影太陽走出雲層時，小吉同超人就偷拍左我，
幫我拍左個八十年代MV添！比佢地笑死！
好彩我地行呢段路走咋！因為黃昏日落既情景好靚呀！

可能身在高處，好似在飛機望出窗外敢！
睇到太陽上和下既雲層，一邊太陽，一邊月亮，好靚好得意呀！

天開始黑，我地就趕快落山了，因為周圍都無街燈架！

不過我地帶左電筒，間中又有車落山，都唔驚既！個幾鐘就落完山了。
之後搭車出去荃灣食番餐保保先！

仲有其他風景相在此

大帽山睇小雲~周圍影