錦田~周圍影

星期日我約左澳洲番黎既朋友去玩，
上次在澳洲時由佢帶我周圍去，佢番黎放假就比我帶番佢去玩啦！
之前比左幾個地方比佢揀，最後就揀左呢度喇！

我地搭西鐵由南昌站去錦上路站都只係廿分鐘就到喇！非常之快！
一出站就係一個跳蚤市場，由於未食早餐梗係搵Ｄ小食比我醫下肚先啦！
周圍係無乜食野既選擇，最搞笑係我見到Ｄ餅仔咪入去睇下囉！
點知原來係比貓食既餅，真係好魚皮呀！
最後我地買左砵仔糕，白糖糕，千層糕同燒賣，
因為佢話好耐未食過，但係我覺得砵仔糕比較好味！
坐係個露天地方食野又加上天氣好好，望到清晰既山景真係好正！
曬住太陽都無所謂啦！

食飽之後我地都無行呢個跳蚤市場呀！
因為好似無乜好行，而且我地要趕路去吉慶圍。
我地先經過紅磚屋，呢度都係一個跳蚤市場。
有好多聖誕飾物都好平，幾十蚊都有一個聖誕公仔。
有一間賣超小型既飾物店舖幾特別架！
一個飽上印有雙喜既字樣黎做耳環，仲有白菜，罐頭，生果真係好搞野！
但佢地係唔比影相架！

離開紅磚屋就去吉慶圍門前，撞正今日有舞獅喎！
周圍都有大食堂既大旗，Ｄ人好似準備表演，同埋好似有得食添！

到左吉慶圍喇!

入去要比入場費架！將三蚊放入門口既箱度，
我地搵左一陣都發現唔到呢個箱，要個婆婆幫我地入添！

你睇個箱既入錢位幾咁明顯 !!!!!

影番出面先

入到去比預期既小範圍，我地就在每條行穿插敢影相喇！

幾鍾意呢張, 好鬼秘!

格格不入

連桌腳都有雕刻

天呀! 好清呀!

唔知係乜, 掛在門既砍旁

乜有三號風球形狀既鎖匙孔?

當準備走時，一班舞獅成員大鑼大鼓敢開始喇！
我地好醒目敢立即入番去等佢地入黎啦！唔知係乜野節日呢？

小小一個圍村我地都玩左一個鐘，兩點走人了，
離開時見到有好多獅頭係度曬太陽添呀！

離開吉慶圍

途中見到咁靚既天, 咁清既山景, 都要番轉頭影番幾張相先.

經過好搶眼的黃色鐵橋，見到個倒影好靚但好難影，
因為一有車過條橋就郁，要無車先可快手影。
大家一路影一路震, 好搞笑! 要幫手睇車添!

到左二帝書院，有個導嘗員好細心敢向我地講解。
正門

側門

學生聽書既地方

煮食既地方

偏廳

睡房外

睡房

我地睇完呢度都三點了，是旦係呢度間士多食左碗五香肉丁加腸仔麵休息下。

在書院對面便是泝流園，不過就無乜裝飾喇！
之後我地爭取時間又繼續向廣瑜鄧公祠出發。

來到廣瑜鄧公祠

門口兩旁

途經爛屋有五六個拍友係度影相呀！我地當然唔會放過啦！

呢度禁止進入架! 但我地見個鐵欄開左咪入囉!

點知影完呢張相就比人叫出番去了。
同一時間, 我影佢既!

同一時間, 佢影我既!

好奇怪既樹，屋，敢都可以生長得咁青綠。

長春園

外圍.............好正既樹!

之後我地再去埋水尾村既錦田樹屋，有一個旅行團係度參觀緊，好多人呀！

離開等車時, 天氣真好呀! 呢d係咪水平如鏡呢?

橫強既大樹

影左一輪我地要趕住走了，無去到便母橋和周王二公書院，
因為我地下站......白泥呀！

白泥~周圍影