平安夜直踩聖誕日

平安夜無乜特別地方去, 充就去左食板長壽司,

勁多人! 好彩可以周圍行下, 買下聖誕禮物, 不知時間過!
第一次食呢間咋! 因為平時唔想排隊!

佢d壽司已經放左介末架喇! 又幾正宗喎!

三文魚, 一般啦!

珍寶帶子, 好正! 好新鮮! Encore都得!

墨魚, 都幾好又新鮮!

鰻魚, 唔夠熱!

介末墨魚, 幾好味! 唔駛再落野!

比目魚, 加埋d蔥幾好味!

鱆紅魚, 立魚, 最特別係果點醬, 幾好味!

油甘魚腩

魚背

普通帶子, 但一樣好味又大隻!

北寄貝

蝦膏甜蝦, 勁蝦膏味! 幾得意!

最開心係食完後行出廣東道, 剛開場不久既廣東道聖誕Street Party
已經聽到有人唱歌喇! 正正係阿Paul, 正呀!

好彩唱幾首歌咋! 唔係我真係唔駛訓了!
因為我回家有下場嘛!


因為聖誕日~正正係青蛙仔生日
我回家後開始整蛋糕, 由十一點半開始整, 兩點鐘先搞掂哂!
洗埋d野, 沖埋沖三點先訓得!

第二朝就帶埋呢個蛋糕去開party喇!
士多啤梨芝士蛋糕, 好濃既士多啤梨味!

係大果個青蛙仔生日!

內裡面有一層蛋糕, 一層荔枝啫哩, 食落好清新!

怪誕派對! Yeah!