, 我隻眼已經好番好多, 所以又開始出動去玩了
! 今次梗係要同我班爛玩精去玩下唱下啦
! 我地一行八人就走左去Neway唱K!今次真係群星耀Neway喇! 有我側卷小雲
, 伊健, 盧巧音, 方力申, Juno, 梅姐, 羅記, Sammi 呀! 真係粒粒巨呀! 
在唱歌之餘仲有部V比我地玩添呀! 不過只得一個賽車Game. 由2pm開始唱, 唱到四點半左右, 有個侍應拿住兩個蛋糕入黎, 心諗邊個生日呢? 當個侍應放低個蛋糕時就話: 唔好意思呀! 你帶黎個蛋糕跌左落地呀! 乜話
? 邊個帶左蛋糕黎呀? 點解我唔知架? 之後個侍應只係話: 公司送番另一個蛋糕比你地. 我地緊係唔接受啦
! 跌左都比番個屍骸我地睇下啦! 佢不停敢話掉左落垃圾桶喎
! 自把自為就拎個乜水蛋糕黎代替? 呢d就係佢地既服務態度
? 原來個蛋糕係飛飛甜品主管今早整左五個鐘黎整架! 呢個係飛飛個心血呀! 無左喇!
我睇埋張蛋糕相真係火都黎
! 唔得喇
! 我叫個侍應叫個經理黎, 之後都忍唔住跟左出去搵下見唔見到個屍骸. 因為個蛋糕係用泡芙黎整架! 一粒粒的, 就算跌左落地都唔會爛假
! 去到廚房又無, 又話可能倒垃圾倒左喎! 有冇咁快手咁勤力呀
! 去到倒垃圾個阿姐度, 阿姐又話唔係垃圾黎架! 只係廢紙咋! 之後番入房等個經理黎解釋, 佢又唔好意思呀! 你帶黎個蛋糕跌左落地呀! 我地送番另一個蛋糕, 再送埋枝香檳比你地!
乜水蛋糕!
敢又如何
? 我地個蛋糕自己整既, 呢d係心血既結晶品黎架
! 用錢買唔到架! 我地要求叫番個整跌蛋糕既(個新)侍應黎交代. 我地更猜疑係同人交換錯左 比左另一班人. 我地心心不忿, 我地分頭每間房去睇下, 睇下有冇人食緊蛋糕. 我發現有班人剛食完蛋糕, 我就入去問下佢地係咪自己帶蛋糕黎? 佢地話係呢度送既. 唉! 大家都無發現, 最後又回房等消息
. 飛飛仲話個蛋糕跌左都唔緊要喇! 但係原來佢放左三隻小公仔入泡芙內
, 給我地三位壽星仔女架! 天呀! 有三隻公仔? 小雲, 小吉, 朦芝芝? 乜仲有我份? 太過份喇!後來個經理同個侍應入黎, 佢話: 原來係個侍應一次過上多個蛋糕時同另一間房交換錯左! 佢怕比公司鬧先話跌左落地. 嘩! 真係媽聲四起都唔得啦! 唔係嘛! 我地個蛋糕咁靚都可以交換錯
? 一時一樣真係信你邊樣先? 真係乜都可以發生既? 最後我地叫個經理聯絡番果班人, 睇下有冇人食到我地三隻孤兒仔.最後個經理又解釋: 果間房成40幾人, 有部分人係盲既, 係一些團體帶佢地黎玩的, 佢地無人發覺食到d公仔喎! 聽到呢d解釋, 係咪拍緊戲呀? 乜d橋段咁曲折架
! 真係無奇不有! 唉! 真係同場加映既娛興節目!搞左個幾鐘, 大家都無乜mood, 最後我地要求佢比番d補償我地, 初時佢話: 送番枝香檳, 送番個乜水爛鬼蛋糕, 補償番兩百蚊, 買番幾隻公仔, 我地完全唔接受
. 最後爭論後, 我地可免費繼續唱, 費用就由果位侍應付責了. 雖然我地得到補償, 但真係有d唔開心架! 最後個經理都打完場
, 照樣拎個Standard蛋糕入黎, 開香檳
我地都只好接受! 之後照舊繼續唱到八點.
剛剛出爐時既飽飽樣，好靚呀!
之後同場加映: dada比我地有得食北海道麵飽!
好味道呀! 多謝dada!
食完蛋糕, 衰氣走哂! 我地為左搞番好d氣氛, 一輪快歌一首接一首, 火熱動感LaLaLa, 十分十二吋, 對你愛不完, 大日子, 無心睡眠, 紅日, 激光中, 壞情人....等等. 大家又唱又跳又叫, 玩過痛快
, 真係好High呢
! 唱完後我地就去左呢間泰式廚房 Your Thai Restaurant食飯, 有興趣睇埋啦!
請按泰式廚房 Your Thai Restaurant
真係多謝哂各位爛玩精成員呀
!死火! 今朝起身梳洗時仲係度哼羅記果兩首歌
, 真係玩到無心睡眠喇!
F
回覆刪除