Phuket 布吉五天周圍遊 (三)

三月七日 Day 3

帝皇篇 - 水清沙幼既帝皇島 Racha Yai Island

今日係自費出島遊，成團人共十個黎呢度玩，
我地四人，另外加一行六人既團友。
其他人有十人去鳥蛋島，四人去野生叢林。
呢次搭快艇既時間比鳥蛋島耐，大約四十到四十五分鐘先到。
我地去到帝皇島算第一班遊客來的，一落快艇真係爽呀！
Ｄ沙好幼細，好舒服，唔著鞋行都唔熱，仲想輪地沙添呀！哈哈！
如網上相片一樣，一個個膠筒排成一條長堤，方便遊客落船。
水好清，初落水有少少涼，因為可能我地身體比水溫熱。
呢度都劃左游水區，但其實邊度都游得，只係在游水區外會有小船停泊。

我地可以自己周團在沙灘玩下影下相，到十一點先坐快艇去附近玩浮潛，
真係好開心呀！

近岸浮潛都睇到好多魚，睇緊乜呢?
最潮既人肉導航浮潛法

有些好特別既好長白色透明的，唔記得咩名。

有些一小群的魚仔，例牌為食既三間魚。

亦有些大魚，佢地唔食麵飽的，只顧食石上既小生物。

仲有海膽同黑色既小丑魚

浮潛篇 - 人肉導航浮潛法

好快就出去真的玩第一次浮潛了，
船一定所有人都在選擇適合既自己吸管同潛水鏡。
我同小吉教太子威同型姐點用條管和鏡，可能佢地都係第一次玩有些緊張，
所以都幾搞笑架！
我成功在短時間內教識型姐如何之用後，她可以自己在浮潛，
之後我就同小吉繼續幫太子威，試左幾次都唔得。
可能因為他的吸管常入水，他有些想放棄既心態，仲叫我地自己玩啦！
但我地又點會放低佢呢？
結果我地用左最原始既方法，就係之前在沙灘玩過的 - 人肉導航浮潛法。
我同小吉一人一邊伴住太子威，佢就放棄用支吸管，
無氣時就按住我地在水面吸氣，之後又再浮潛過。
第一個浮潛後，睇魚既時間唔好，因為都搞左好耐。
而型姐上左船後仲話好玩到嘔添！真係難得！

上左船後，船駛又到另一處，我地又開始落水了，
即係幫太子威搵番套吸管同潛水鏡先，但型姐就坐船邊小休。
未落水時在船邊一望，有人掉左片麵包在水面，有一大群魚就狂食。
我地就在另一邊落水，佢地話呢邊唔咁深。
雖然幫太子威換左套野，但都係用唔到條吸管，
結果都係要用番人肉導航浮潛法。
但今次佢表現好左了，餵到魚了，因為佢可以左擁右抱嘛！安心哂啦！

呢兩次浮潛後，兩位成員都話下次帶番泳鏡無咁驚。
其實用吸管同潛鏡可以幫到在浮潛時舒服Ｄ，同
唔駛常在水面呼吸咁煩，所以大家試多Ｄ就知喇！
在呢次浮潛Ｄ水都幾清的，亦有魚群，少許珊瑚，但水比較深。

經過兩次浮潛後，我地便去食午餐了。
食物？都係一般架喇！在島上不能要求太多。

在餐廳附近就有呢兩條野在山邊，好似有人比野佢食敢，
都有三四呎長架！不過佢只係周圍行下者！

飯後我地就上到觀景點影下相，呢度可睇到整個帝皇島既外觀。
在附近係Raya Resort既Bungalow，真係幾原始架！

之後我地番去沙灘個邊，我地就用餘下既麵包在岸邊浮潛餵下魚。
但好奇怪在下午時候，Ｄ魚少左好多，得番Ｄ小魚，但佢地又好怕人喎！
比野佢食，佢地都驚，之前Ｄ魚係咪食飽左走哂？
到了三點四十五分左右，我地便回酒店了。


海鮮篇 -  SAVOEY

晚上六點左右與團友一行八人包左一架車往返巴東夜市，都只係1000b！
我地到左巴東好多海鮮既街，心中都有間目標餐廳架喇！
最後都係在呢間Savoey開餐。

我地叫左蒜茸新鮮龍蝦，BBQ大虎蝦，咖哩蟹蒜茸飽，豉椒炒蜆，炒通菜，
另外兩支Beer，兩個椰青，埋單都只係5,885b！
食飽左，但都留番少少位做甜品消夜。

食飽後我地就行下熱鬧既酒吧街，夜市買下手信。
你地估下呢張相邊個影既?

和味龍

驚嚇篇 - 太子威生日

在街頭見到網上推介既pancake，一定要試下啦！
我地叫左兩款，慘喇！食飽左添！

行左好耐都唔見有蛋糕店，激死！只係得StarX！
早知食Pancake時拿支candle出黎點左好過啦！
夠哂氣氛！分分鐘有美女送上birthday kiss比太子威添！
最後都係空手而回，無衫買到。
在上車前，又見StarX，算啦！好過無啦！

番到酒店好彩未過十二點，趁太子威沖涼時，我地就去準備好等佢出黎。
點知佢超快敢沖完，都唔知有冇沖架！我地都未準備好被佢見到了。
好彩我都影到佢個驚喜樣，加上拿住Ｄ底底樣，哈哈！

大家想唔想睇呢？可惜放唔到上黎啦！
一定紅過You Tube呀！哈哈！

Phuket 布吉五天周圍遊 (四)上

或者

詳細行程可到以下網誌

阿bee帶你遊布吉第三天

或者

布吉五日四夜