Phuket 布吉五天周圍遊 (五)

三月九日 Day 5

酒店篇 - 遊艇會

今日最後一日，我地提早起身食完早餐後就在酒店周圍影下相。
點知未去食早餐就在房內拍到日出既情景了。

酒店大堂

酒店外遊艇會周圍環境

參觀篇 - 例牌行程

今日第一站係慈恩寺，到訪下呢個煙斗彿。
導遊就在煙斗彿既鼻孔放左支煙，佢真的好似在吸一樣，
自然地燃燒！真神奇呀！
但其實係咪點了煙後放下左，佢都會自然地燃燒架呢？
我地就周圍影下相便離開了。

之後就係參觀金三角蜂園、燕窩店、珠寶店、錫器店、腰果廠同買手信既地方。
個個一袋二袋手信，真開心！
最後在BIG C 自費午餐，我地在Food court食番碗粉麵食先，
我同小吉叫左碗牛肉米粉，我就叫左碗什錦魚蛋米粉。
個牛肉湯底都幾野味，魚蛋都ＯＫ，而我覺得米粉都幾好味。

食飽後我地就在Big C內既超市入左Ｄ貨，都係食物黎的。
臨上車前就買左個薄餅上車食，
之前見到個賣相好似係芝士，但現在好少芝士，沙律醬多Ｄ。
勝在即叫即焗，算啦！


精靈篇 - 駛到盡

我地上機前都想用埋餘下Ｄ散子，終是我地拿哂Ｄ散子出黎，
買左呢幾款甜品上機食，都好好味喎！唔夠喉添！

離別篇 - 再見了布吉

今次呢個飛機餐都幾特別喎！重以為又食三文治添！
一食完個飛機餐就想訓了，可能天黑無乜野可影。
個個都在訓，我就訓左一覺後發現好多星星呀！
除左天同雲外，星星都好靚架！
可惜影唔到，大家都可以閉上雙眼，一齊去用心黎感受啦！

呢個Phuket 布吉五天周圍遊就結束了，真係快樂不知是日過了。
多謝各位光臨，有時間多d過黎八卦下啦！



詳細行程可到以下網誌

阿bee帶你遊布吉第五天完結篇

或者

布吉五日四夜