黃泥涌峽道水塘至大潭篤水塘

上星期日原來諗住天氣不太好去踩單車加放風箏，點知訓醒望下個天，都唔係太多霧，於是......出發了。
上次上唔到紫羅蘭山，行左紫羅蘭山徑，今次要再上過。
今次由黃泥涌峽道水塘，紫羅蘭山，淺水灣坳，大潭水塘，大潭篤水塘。
最主要係黃泥涌峽道水塘公園有廁所，可以減輕心理同生理既壓力。
食完個早晨全餐後，去左買今次既午餐，之後仲慢慢去出發，真係郊遊一樣。
今日都有好多人準備出發，點知行到出發位既分岔路，十幾人都去左我地上次行個邊 - 紫羅蘭山徑。只有兩位經驗行山者同我地同一條路，佢地好快就唔見左人了，因為我地顧住影野嘛！哈哈！

13:20 開始上山
開始時係泥路但加左木板變左一級級，好安全的。一路上斜雖然斜度唔係好大，但一路上都幾倦呀！可能我地背住三支飲品同食物。不過行下影下就唔多覺，竟然有呢棵咁靚既花，真係一枝獨秀，周圍都沒有第二棵，好靚呀！

估唔到今日又幾天朗氣清喎！回望陽明山莊，港島區都睇好清楚。

第一個座標
終於上到頂了，坐番下抖下先，周圍都係好景，好靚既景，好仙景。
開始又落斜了，係石屎路但要小心，因為側邊係無野擋住架！

遠望仲睇到南瓜島添！
慢慢行！好似條蛇敢！呢個時候小吉發作了，今次係阿倫上身，又唱又扭，比佢笑死。落完呢幾段梯級，就見到呢個分岔指示牌，陽明山莊就行右邊，但我地今次去番淺水灣坳先。

落完又要上斜了，好圓既石好奇怪呀！仲下腰仔先！

行左一陣又見到呢個第二個座標，點解有兩個的？呢個係咪高些架呢？
呢度無景所以抖左一陣又開始落山了，但行過少少就有好靚既水塘呀！

不停敢落都係石屎路都幾倦架！都係泥路舒服些！
又話趕住落到淺水灣坳食野要行快Ｄ，但就係呢段路，我地停左好幾次影相，影完一張話行喇行喇！但又停下再影，真係激死！小吉又發作了，不停拿住支咪又唱又扭，比佢笑死。

好大個轉灣位，有班外國既小朋友仲沖落去添！我諗比對roller我，我都想沖落去呀！
奇怪望到個山有個無限既符號，好似昂平既心經簡林敢。

好似落黎落去都落唔完敢，眼見孖崗山喇！
遠望係深水灣，但呢條路無紫羅蘭山徑睇得咁近。
終於到左上次條分岔路了，終於到左淺水灣坳了。

終於有得食了，午餐變下午茶了。
在路口向赤柱方向個邊有得坐，今次呢隻蒜香雞真係好好好味呀！
食完又食叉燒，食到一半已有飽飽了。最慘唔記得買生果，所以好似飽左Ｄ。

食飽後要行下喇！我地向大潭篤水塘出發，呢條係一條小徑，佢寫住唔建議行的。我覺得夏天或有雨就要小心了，因為我地會行經四個石澗，若果有水流落黎就要澗水架喇！現在梗係唔駛啦！

在第二條石澗幾個小朋友在橋底玩添! 小吉同佢玩偷拍添!
之後連大人都玩，有幾個外國女人行時，佢地伸手捉佢地隻腳添! 鬼手呀!

其實都係圍住個大潭水塘邊而行的，睇到條橋加上個倒影，有個位好靚架！
但有好多樹庶住，影唔到比大家睇，你地自己去睇下啦！

到左大潭水塘又影餐飽了。

大潭水塘主霸
今次睇唔哂個日落，但有得影月光添!

17:30
過左大潭水塘既水霸向右邊行就係大潭篤水塘，到大潭道有巴士走人。
而向左邊可以去番黃泥涌峽道水塘。

你估小吉想影緊乜? (左下) 飛機撞月亮呀!