導演: 法蘭西斯羅倫斯
主演: 韋史密夫
片種: 劇情
除夕個晚去左睇呢套戲，繼上次尋找快樂的故事韋史密夫同個仔一齊演出後，今次輪到個女，雖然只係客串演出，但都表現到父女情深。呢套又係幾英雄主義為主，一個人留在一個被隔離既地方，自己不停做實驗去尋找病毒既抗體，尋找仍然生存既人。另外同隻狗相依為命，一齊去訓練自己，提升自己既體能，對抗留下來的"人"。在這個過程中係令人瘋癲的，氣餒氣的，寂寞的。
雖然大部份都係韋史密夫一人演戲，但絕對唔覺悶囉！其實一個人對物件做戲都好難架！要同死物有交流喎！有幕主角在CD舖借CD，真係好搞笑但亦反影出佢既寂寞。最感人係同隻狗既關係，為救主人不顧性命敢保護佢，在廚房既一幕最令我感動的。
另外有個疑問：有幕一個假人公仔被放置路中心，韋史密夫心知有人搬動過佢既假人公仔，結果中了陷阱被捉倒倒吊住。究竟係咪受感染既人所設既陷阱？定係佢自己忘記左呢度放左個假人公仔去引那些受感染既人？
沒有留言:
張貼留言