我同小吉預先到大圍站附近既大家樂食番個靚早餐先, 附近都有好多其他選擇的, 麥記, 吉野家, 仙跡岩和各大粉麵茶餐廳, 唔怕無得食. 食完早餐去七仔買左兩支飲品, 之後在火車站等威少同型姐了.
威少見我地企在個鐘下面等, 一個對望既眼神, 佢即係急步出閘, 連型姐都唔理.
結果威少無遲到, 型姐就慢慢敢步出, 遲左五秒.
租好車後, 我地八條腿大約在11:45開始先向大埔出發, 我地一人一個對講機, 一路踩一路講, 報告下沿途風光, 路面情況, 仲有馬路天使同加油站.
城門河又賽獨木舟
各人既戰車
有靚景又停下抖下影下相先, 有人表演喎! z....Z....
14:10到了大埔海賓公園, 粉紅色既欄杆好靚呀!
好多人在散步或跑步架!
有人扮斷背喎!
入完海賓, 我地再向大美篤出發, 希望趕到食番個T先.
沿途有些小賣, 平貴因人而講喇!
15:55到左呢間鄉村藝術館, 本來想入去試下同參觀下, 但呢度食下午都要三十蚊起.
為左平同快, 我地轉左去食呢間飯堂, 係以前玩艇時Miss帶我地黎食的.
時間冇多, 睇下食d乜?
到左大壩已五點了, 開始日落了.
唔知係咪有工程做緊, 好鬼死多蚊之, 好恐怖, 一停就有.
小吉拿個風箏影張相先
威少你同型姐睇日落呀? 好浪漫喎! 之不過你地好似背住左喎!
一個龜波氣功? 一個點蟲蟲?
日落好靚呀! 加埋有人玩滑水仲正呀!
等我即刻停下來影番幾張先!
我架戰車啊! 日落...落哂囉!
17:40 我地飛奔回大圍在七點前交車嘮!
好彩18:58到達.....哈哈! 好險!
咁近我…叫埋我嘛…XDDDDDD
回覆刪除下次早d通知嘛!! 呢次都係星期日踩星期六夜晚先搵我，好在我臨時變陣先去得成姐~ 如果唔係又係唔成事喇~
回覆刪除都好耐冇踩過單車，印象中都係讀書果時踩多d，出左黎做事都踩過一兩次，讀書果陣係由沙田租車，沿吐露港踩入大埔再殺入大尾篤，跟住扯段斜路上新娘潭，然後以鹿頸為終點，最後沿路返沙田交車，所以果時係好早去租車既，仲要放低個學生証做抵押。
講番呢次行程，天氣都唔錯，一件短打已經可以，今次搵左架有籃既單車，行李可以放低唔駛『咩』住咁麻煩，但係就冇咁型仔，似買餸佬多d~~
沿路見好人跑步，真係有d衝動掉低架車跑番轉，可惜著住牛仔行動唔多方便，沿路都唔係踩得好快，真係可以用漫遊黎形容，相比讀書果陣真係差得遠，果時真係一支箭係咁衝，踩得麼冇鼻哥。可惜今次行程去唔到鹿頸，下次要補番數！
點解小吉舉高雙手果張個頭反轉左既? 好驚嚇呀~~
下次食Tea叫個飯食先，如果唔係真係唔夠飽，不過今次型姐食唔晒個麵，咁我免為其難幫佢食埋啦~~哈哈
下次唔好再去水霸喇~ 太多蚊滋，我可能食左幾隻落肚添呀~
大家回程時都好出力，一小時廿十分由霸尾飛回大圍準時交車，算係咁啦~
Tin Tin, 叫你你係咪黎先？好呀！敢你幾時得閒同我地踩番轉呀？ 有乜野單車路徑好踩介紹下？
回覆刪除講真除左游水同行山兼影相！仲有無其它運動可以做呢﹖最緊要平平地！ 除左上次番禺大夫山單車之旅！今次係香港都算踩得算最遠啦！由大圍踩去大埔海濱長廊之後再踩去大尾篤水霸！之後折返去大埔！！路程就有一個全馬路程！當係跑至少都有半馬啦！ 平時踩單車見到d得意野！好難同對方講到！今次醒目《一人一個對講機, 一路踩一路講》幾正呀！ 撘車去大尾篤玩艇就多！自己踩單車入去就第一次！原來又吾係好難咋！條路又夠闊！都吾算好人踩！不過一入到去大尾篤就死啦！人頭湧湧！最怕就係d家庭車！佢地又吾識控制！整到成條單車路塞實晒！ 係囉最衰就係多蚊仔周圍飛！你一停低佢又嬲住你！什至踩踩下都會照頭照面撞埋黎！好可怕！
回覆刪除天天：咁遠都話近！我地係大埔！你係錦田！乜你有興趣踏單車嗎﹖ 威少：就到你又就吾到你個型型呀！我今次提早半個月有多約你廿五號！又咪吾得！吾好話我咁遲約你啦！ 講真之前踩到去鹿頸之後回程番沙田交車！真係年少氣盛！而家哎。。。只可以踩到鹿頸！之後叫貨車去接我地去留車！ 你覺得放低d行李好定係要好型仔呢﹖ 你出聲呀！我最多咪一個人渣兩架單車呀！等你過下引跑下步呀！ 係食TEA時我都叫你食飯！你又吾聽喇！學我地叫湯麵餐！邊夠你攝牙喇！ 其實可以再快好多番到大埔都得架！只不過我地要團體精神！共同進退！
不如搵日跑吓城門河或者由大埔跑去大尾篤丫~~之後再食番個tea都不知幾過癮
回覆刪除威少： 下次早d通知嘛!! 成日都話早d通知！通知左咪又係敢！你想去點都去到，唔想去講乜都無用喇！ 都好耐冇踩過單車？ 上次大夫山咪踩過啦！ 我只識得踩到大美篤乍！新娘潭，鹿頸未踩過，下次威少帶路啦！ 行李可以放低唔駛『咩』住咁麻煩 你上次都要『咩』架！型仔？一向都冇架啦！ 點解小吉舉高雙手果張個頭反轉左既? 好驚嚇呀~~ 所以咪叫做表演囉！能人所不能！ 下次食Tea叫個飯食先，如果唔係真係唔夠飽 你為左平五蚊！唉！辛苦自己！ 不過今次型姐食唔晒個麵，咁我免為其難幫佢食埋啦~~哈哈 係你迫人唔好食咁多留番比你者！ 下次唔好再去水霸喇~ 太多蚊滋！ 之前唔係敢架！無架！ 好正呀！ 我成日都去放風箏架！
回覆刪除我下次會慢條斯理敢入去呢間鄉村藝術館坐下睇下， 因為有個Blog友推介的，裡面都放左一些畫架！ 要慢慢食住件Cheese Cake 飲住杯Coffee , 爽呀！
回覆刪除太子威，好呀！你就由大圍跑去大美篤，我地就在大美篤玩艇， 等你跑到後，型姐就開定爐準備我地玩完一齊燒野食。好正喎！就敢話啦！
回覆刪除其實我好少踩單車…^O^不過最近有呢PO癮姐…^^"
回覆刪除你係咪講真架 ！而家玩艇就正到暈 ！因為而家好好風 ！玩艇吾駛等風到 ！可以髮髮聲 ！似坐快艇一樣 ！玩完艇沖完涼仲有時間去藝術館食件Cheese Cake再歎番杯Coffee你話幾爽呀 ！
回覆刪除又真係幾享受wor~
回覆刪除可惜無人去霸爐燒野食喎？
回覆刪除我都古唔倒自己可以從大圍踏到大尾篤再返回大埔還車, 哈哈, 好在帶左對講機, 所以冇走失.....
回覆刪除如果唔係我等你~ 你話你會踩左去邊丫~~
回覆刪除做乜咁比面入黎up兩句呀!!
型姐，好在每人一個對講機乍！在中途不停為你加油，為你提供安全路線指引，令你唔會寂寞！
回覆刪除WOW........ 我N年已經冇喺沙田踩單車LU!!!
回覆刪除以前條路邊有咁靚呢..... 仲要去到工業村要踩出馬路!!
係啦, 點解唔燒埋野食先走呀? 咁辛苦踩到去大尾篤喎.......
拿拿！係呀！在工業村要踩過馬路架！但現在條路都好好架喇！ 哈哈！不如你同Benny去開爐啦！
回覆刪除
回覆刪除阿拿莫非你同我同一個年代? 大家都係18+22?
如果要燒埋野食，我諗要晌大埔租車同交車先至得
仲有我地燒親野食閒閒地都三四個鐘，我驚冇咁多時間
太子威講得就冇錯喇… 真係唔夠時間bb埋q呀… 來回兩三粒中，bbq又幾粒中… 通常最遲都要6點半前交車…@@ 除非好早就去啦…^^"
回覆刪除難得有個知音者~ 感動ing
回覆刪除太子威，你就唔錯喇！你唔好誤導人啦！可以燒夜晚架嘛！ 當你六點交車，仲有時間買野啦！ 去到大美篤七點，比你燒三個鐘都只係十點，唔夠喉燒到十一點都得啦！ 你唔駛做灰姑娘十二點前回到家嘛？
回覆刪除比人導左… = =+
回覆刪除冤枉呀~包大人!!
回覆刪除太子威無得投數， 呢度唔係法庭，我講既野就係證據，我話你錯就係錯。 哈哈！哈哈！
回覆刪除未登天子位! 先置殺人刀~~~
回覆刪除笑騎騎~放毒蛇~
回覆刪除好羨慕你成日都有咁健康的活動呀! 病痛都少d啦! 我成日病ga! 鳴~~~~!
回覆刪除太陽相影得好搞笑呀!
哈哈....... 你咪當我細路先得架........ 哈哈哈........
回覆刪除小雲 ... 咁你哋下次記得去埋BBQ喇!!!
山長水遠去BBQ, 屯門都好多地方有得B喎....... 正正屋企樓下都有一個, 哈哈哈..........
拿拿，記然你敢講，今個星期我地拉大隊去你屋企樓下BBQ喇！
回覆刪除日落好正呀!!!!!!!!!!!!!!!!!!
回覆刪除拿拿： 而家吾駛你整啦！只係幫手霸定爐 ！之後威少接你班繼續霸爐！我地可以去買燒烤野食！可以自己鐘意食乜就買 ！吾同去山卡啦郊野公園！買多左又食吾晒！買吾夠又無得《添》 ！秋風氣爽最好去燒野食！ 拿拿好吾好呀 ﹖﹖
回覆刪除阿bee你問左我未呀?
回覆刪除dada, 係呀！秋天既日落特別靚架！你同悶蛋都去踩下單車遊一遊啦！ 一定唔會悶喇！
回覆刪除拿拿，你個邊除左ＢＢＱ外有冇得踩單車架？
回覆刪除拿拿：同埋有無得其它活動呢﹖有無得行下山！游下水呢﹖ 威少：吾好咁少氣啦！你吾會扥我手爭呀！最怕拿拿吾制者！如果得我要燒雞亦同埋燒扇貝，燒紫心番薯，燒老虎大蝦，如果可以燒埋包魚仔！唸起就流口水！
回覆刪除Haaa, love those masks!
回覆刪除mommy dearest, 我怕羞唔見得人嘛！
回覆刪除我都好怕羞~~
回覆刪除阿Bee,小雲.....
回覆刪除屯門其實有好多個燒烤場, buffet BBQ都有幾個, 公眾燒烤場就主要喺沙灘區, 咖啡灣, 蝴蝶灣, 青山灣, 黃金海岸都有, 任君選擇!
其他活動呢....... 如果想踩單車, 蝴蝶灣嗰邊都好似有單車鋪嘅, 再唔係就龍鼓灘架喇, 連水上活動都有, 夏天你哋可以租香蕉船玩都得!
好提意...........
回覆刪除拿拿一於你做攪手，等我地黎參加啦！ 秋日BB燒！
回覆刪除