森美小儀歌劇團之 Lokamochi Mamiba 落街無錢買麵包

記憶中, 我同小吉係第一次睇歌劇, 而話劇就應該係我和春天有個約會.
今晚追月就追左去理工大學睇森美小儀歌劇團 "Lokamochi Mamiba 落街無錢買麵包",
有好多人都早到場買下紀念品, 影下相.
今次都好期待架! 因為我地坐第五行, 好近好清楚.
之前重可以影下相, 但一開場就同拉闊一樣, 唔比影相.
我同小吉就好注心敢睇show.

一開始迪偉就用好流利既唔知意大利文定西班牙文開場,
叫我地關電話, 唔比影相等等, 好搞笑!
之後森美就出場了, 先來打幾番功夫, 都有板有眼喎! 原來係有樊少皇教路的.
但我就覺得森美既眼神有些呆滯, 好似集中在中間以上既地方. 唔知係咪慣左對鏡排練既關係呢?
小儀個做型真係好嚇親人, 個條毛代替左家燕姐個粒墨真係搞鬼.
迪偉就睇得出好落力去跳舞, 可能常在大哥同細so之間, 所以發現佢原來好矮.
細so個角色都幾好, 同做阿旺一樣囉!
詹志文就同大哥爭鬥, 都有好多戲份, 個地中海頭最搞笑!
其他女角就唔多知邊個, 但就覺得佢地幾高音, 同幾跨張既表現.
其實各位演員都好落力既演出, 仲有一班小演員都有不小功勞,
所以在結尾大家都拍案叫絕來支持佢地, 在十一點完場.

故事場景係中國：講森美係一個大將軍，佢海旋歸來要娶老婆，但洞房個刻才發覺小儀既樣被嚇怕，就算娶左佢點都唔去洞房，仲發誓唔會鐘意小儀，唔去洞房，否則就落街無錢買麵包，重要一走了之。

其後話要著草，點知去左意大利留落街頭賣技。其後遇到因為偷左人地Ｄ意大利粉比人追既古惑迪偉，同低Ｂ既細蘇，結果三人成兄弟，但被追時就分開左走。

森美走左去一間大屋，大屋內正搞緊Fashion Show, 佢扮識人想成機食野，點知被人識穿，被迫做左工人。
另人搞事人地中海詹志文既出現，想得到一件名設計師設計既衫，邊個著得到最靚就會嫁比佢。無人夠膽同詹志文爭，但因為森美夠多毛而著贏左呢件衫。結果森美誤打誤撞敢成為左Top Model，點知遇番小儀。
小儀又點樣對付呢個負心漢？殺左佢？
三兄弟又有乜野下文呢？
地中海詹志文同森霸王又點樣繼續鬥呢？
真係笑料百出，最後又點樣令兩人和好？
好戲真係好難講得哂！有機會買碟再回味啦！

若果出碟就真係


想睇? 有好多相片同片段在此:
http://www.my903.com/my903/SKDrama2007/index.jsp

門票


在場外等入場


門口大海報


場外影番張相留念先


森美小儀熱吻呀!


小儀都好靚者!


大哥好帥喎!


場內最頂位


贈品包括場刊,貼紙,羽毛,LM布袋


場刊摺後


場刊內頁


場刊面同底