兩口子佔領灣仔營@西貢灣仔(一)

近日周邊都係講佔中，心情都攪到唔開心！

今日我同小吉決定佔領灣仔，比大家輕鬆一下！

一早起來八點幾就出發，真係幾山長水遠！

差不多十一點在黃石碼頭搭船入來！

 之後就快快手開始起營，天氣都幾熱！終於完成了！

起好營後就要食番個下午茶補充下先！

事前在屋企搞掂哂，冷烏冬＋醉雞翼

天氣有些悶熱，我開始有些少頭痛添！

借營友既吊床抖抖！

見開心無敢曬就落去玩下水降溫

 抱住個沙灘波浮下游下幾爽！

 小吉齊齊玩沙灘波！

 你似打保齡球多ｄ喎！

 庶住個太陽先！

 敢樣齊齊睇日落都幾好喎！

沖完涼就開始煮晚餐喇！

 第一次試食呢款泡菜餅，無乜特別，唔辣，有少少煙 UN！

 簡單既罐頭洋蔥湯配脆豬包+泡菜餅

 煎有骨羊扒，不過唔夠羊味！下次都係買番羊架好ｄ！

 我地開餐喇！

 泡菜餅＋香草羊扒＋香蒜炒意粉

 呢日真係有些唔舒服，最後都要食粒頭痛丸！

呢個甜品都食左幾啖就比埋小吉了！

最後都抵唔住嘔左次先舒服ｄ！

呢晚無得同營友吹吹水，唯有早睡啦！

 _______________________________________________________

第二朝好在訓醒無事！

早餐都係要飲番杯咖啡提提神好！

方便早餐

 辣味沙甸魚芝士脆豬包＋咖啡

 小吉至愛！

 食飽抖抖睇番場戲先！

 有些人都急不及待下水了！

 同場加映真功夫！

 營友mimi為honey準備出艇釣魚

 每個成功既男人背後都有個體貼既女人！讚！

 

再讚！

 手望相助

 華哥眨下眼就扒到對面海了！

 隨後西門兄都準備就緒！

 扒呀扒！你地釣多ｄ魚番黎加料呀！

行左幾轉八卦完，三點鐘！要食番個Tea喇！

好耐無食既燒餅！

 反得無咁好添！

 開餐！

食飽抖抖就準備去補給下先！

 赤徑都幾清靜敢喎！都係露營既熱點之一！