澳門生日遊Day2珠海篇

第二天早上原本諗住游多次水，但11am要check out

最後都放棄了！

喜來登既正門

 

之後在氹仔食早午餐先

有骨豬扒包，之前食過好似好食ｄ！現在豬扒都無乜特別味！

豬手麵

一葡撻一鮮奶

 埋單先知呢個撻好貴，$11一個？我有冇聽錯！

唔係燕窩撻喎！仲貴過酒店？

 叫一杯咖啡試下先！O！唔駛加單了！

之後就行下手信街睇下有咩新野食！嘩！生招牌喎！有冇比人像版權架！

 唔知點解次次試食都好食過買回家的，

牛油典奇都幾好味！

睇左一陣者，話咁快三點幾，要快ｄ去拱北果邊間酒店check in喇！

出拱北行20分鐘左右，第一次搵係要少少時間

之後再出入澳門回來就認得路，15分鐘左右！

 珠海嘉麗萬豪酒店

 

 比想像中大

 居然有保險箱，不過我唔會用囉！

 唔駛咁嘆呀！

 唯一唔好係布太薄了

 廁所無門的，只有沖涼企位有玻璃門，

沖涼拉哂布都有ｄ唔安心！

休息左一陣就去搵食晚餐

我地過番澳門關閘後去打邊爐，計埋今次第二次了！

六點多來到唔駛等，之後就有排等！ 

雄裕老地方美食

 都係海鮮鍋

 

肥牛

 

什丸

什菜

小吉又破例了！

食飽飽又飲野？唔係！買來去按摩時飲的！

之後我地睇下有咩消夜者！

不過芝士蛋糕無哂！買左兩個合桃鬆餅！

又去按摩！一個鐘腳仔，一個鐘身！

 第一次見用呢招按完腳焗住ｄ熱氣！笑死人啦！

好彩回到酒店不足１５分鐘就落大雨！

 最後差不多十二點先食消夜！合桃鬆餅！