一二月密密食

新一年無出blog好耐了, 都係懶之故啦!

 呢兩個月都周圍食, 同大家分享下!

芽莊越南牛肉粉@深水埗

食物就唔好講了, 因為無乜好講, 唔明點解開飯吹得咁好食!

又小又細又無味!

唯一介紹下係呢款越南咖啡, 用熱水沖左落呢個壺內,慢慢滴

等佢完全滴哂落下面隻杯內就飲得!

我無落任何糖或奶, 隻咖啡都幾香

但老闆娘話: 

因為用左另一款貴價咖啡豆, 所以先咁好飲!

但老實講句啦!

我只係鍾意呢套咖啡用具咋! haha!

 大王牛肉麵@鑽石山

懷念一下台灣之選

牛肉麵幾好食, 幼麵條又煙UN! 讚啦!

另外大大雞扒塊皮都好脆, 粗麵無幼都咁好食!

馬泰@葵芳

咖哩, 冬陰功, 薄餅都好味!

炒豆苗就硬左d!

杏仁炸蝦餅, 杏仁唔脆, 蝦餅一般!

串燒可以更好!

新華茶餐廳@長沙灣

剛剛出爐, 下午茶最正!

酥皮唔油, 正!

薩莉亞意式餐廳@ 深水埗

新開了一排, 終於在中午時間唔駛等位就試下啦!

青醬蜆意粉, 好味!

意粉夠煙UN, 唔係肥仔意粉!

黑椒鹽水蜆, 第一次食真係幾野味又好食!

Pizza, 一句到尾! 唔會再食! 

老上海@灣仔

出名正宗上海菜, 但我唔覺得好食囉!

雖然無叫d貴價野, 

但呢d地度傳統食品都煮得唔好食, 又有乜用呢!

唯一燻蛋好少少!

黃金蝦, 超細隻, 雖然話可以連殼食但真係唔得!

擔擔麵, 無麻醬和花生味, 呢d先係正宗?

小籠包, 真係大失所望, 肉係散的, 皮係厚的!

肴肉, 無味!

炒年糕同上海粗炒, 係咪一齊炒架呢?一樣既?

正宗既上海菜? Sorry! 唔識欣賞!

連身邊個寧波人都話奶奶煮既好食好多!

愛群餐廳@長沙灣

中學生時代常常來食午餐的

咁多年無來, 就懷念一下試試啦!

牛柳好味! 西冷唔得!

焗田螺, 可惜一般!

讚既係雪糕, 因為唔係一般雪糕

食到雲呢拿籽

 板長+自家烏冬@荃灣

唔駛淨食壽司又可以叫烏冬太好了!

但今次天氣凍就試下石頭鍋啦!

牛肉石頭鍋, 好好味!

軟殼蟹天婦羅都好味! 唔油!

油甘魚壽司, 正!

晴苑泰國菜@大角咀

冬陰功, 正正正!

蝦餅拼豬頸肉,  蝦餅掂! 

但豬頸肉太碎了, 好在個汁好味!

辣椒羔牛肉飯, 初時以為炒飯, 點知黎左伴飯?

好在辣椒羔好香口野味! 牛肉就少少UN

串燒夠熱又好味! 連汁都撈哂!

 咸檸七, 個咸檸唔夠耐, 但OK既!

下次再分享過!