消遙海下游

早上天陰陰，因為準備打風

我同小吉約埋小雲小吉去海下玩！
睇下天氣情況，唔扒獨木舟都游下水啦！

一早到左西貢，因為小雲小吉比阿叔部電話整古！
無人叫醒佢，所以遲到添！
我唯有周圍影下相先！

烏．．．雲！

碼頭都有不少人等船出海玩！

我就在七號小巴站等小雲小吉喇！

終於到了！視察下天氣和環境先！

呢間係雲海，都光顧左好幾次！
不過今日佢無單人坐艙艇，
我地就光顧了另一間好景！

一大清早，水面平靜，
我地急急腳趁未番風就出去玩下先！

今次我無帶相機，所以相片由小雲小吉提供！

一年無玩，我同小雲小吉都要熱下身先！
間中吹正風就要好用力地扒！

因為早上仲係天陰陰無乜太陽，所以都唔係好清！

呢ｄ係咪斑黎架呢？我唔食魚，我唔知呀！

只得我同小吉咋！
因為小雲小吉無比佢既相我呀！

中午，我地扒到一個沙灘開餐！

小雲小吉既滷水雞翼好好味呀！

一人有四隻！因為有人無黎又有得食多隻！

另外仲有咖哩豬皮，魷魚，魚蛋！
生果通粉和青提子！

唔好客氣喇！

食飽飽就在沙灘浸下水影下相抖抖先！

小吉個樣幾嘆！

我地又出發了！小吉又一馬當先！

一落水時比隻水母嚇襯！

天氣好左！仲有太陽添！所以見到好多不同既魚！
有一群好大條既魚添！不過佢地游得太快了！

三點半左右，我地又要起程回航了！
睇下小吉幾嘆！

天公造美！玩左成日都未落過雨！

嘩！突然有雷聲，之後就落勁大雨了！
好彩我地在鑽石山地鐵站落，無又怕！

周圍都要拎飛等位，我地都拎左三間食店既飛！
睇下邊間最快先！

甘味讚岐手打烏冬

小吉既滑蛋鰻魚烏冬

我既吉列豬扒+蕃茄湯烏冬

小雲小吉既燒牛扒+蕃茄湯烏冬

豬軟骨餃子，不過唔多餡，好少豬軟骨！

經過一日既勞動，我同小雲小吉都散哂了！

小吉又講風涼話：我都無乜點用過力！

下次睇下我地又去邊度玩先！