廉價勞工 ~ 鬼叫我窮呀！頂硬上啦！

估下我做乜搞成敢？
放心！唔係沙士!


事源我屋企飯廳既天花有脫落情況！
原本有一個燈罩大少少既範圍，附近有少少鬆散！

叫左房署來睇！佢地話只係輕微天花脫落，
呢ｄ只係我地裝修既問題，唔關七年保養既範圍！
　　
而且房署要見到鋼根先會幫你維修！

敢死啦！要見到鋼根咪等倒塌見血？

又話你地買左個單位，所有野都自己維修的！
（原本係公共，後來可供買入住緊的單位）

搵左好耐都搵唔到人整呢ｄ小工程！
有人仲開價三千蚊添！

最後都係求人不如求己！我要做泥水妹！



　第一日　
首先將天花鬆散和列紋部分鏟哂走！
以我既身高，我只好企上枱面！

鏟完後仲要用粗砂紙再刷一次！

　第二日　
要用補牆灰來補牆，幸好小吉放假幫手！

左邊三分二係我補的！右邊三分一係小吉的！

晚上還番媽媽借來木梯比人！

　第三日　
企上枱上先用粗砂紙磨一次，再用幼砂紙磨多一次！
睇下我隻超就知幾大灰塵！

終於磨完個天花！

　第四日　
小吉幫我油左第一次天花後就番工了！
唔該哂！

兩個鐘後，我又再油多次！
個接駁位整得唔係咁好，見到有條紋！

不過我第一次整天花已經好努力架喇！
我諗整牆會容易些囉！

依家都收住貨先啦！

終於搞掂哂了！

哈哈！夜晚開燈後反而唔覺條接駁紋！

點都好啦！唔駛比三千蚊人賺！
鬼叫我窮呀！頂硬上啦！

最後報案：
我用粗砂紙磨天花時唔記得帶手套！
結果洗手才先知痛！