熱身徑！

好耐無出動去行山了，今日去熱下身先！

川龍 → 龍門郊遊徑 → 城門水塘 → 畔塘徑 → 菠蘿壩



先在荃灣兆和街乘搭80號專綫小巴到川龍小巴總站
1040到達川龍總站下車！
一眼就見到呢間彩龍茶樓！

由於朋友仔話呢度食物一般，所以無在此飲茶！
不過都比大家睇下茶樓既食物啦！
全部都係自助形式架！

好喇！1050開始！
一路行入村，不要走入彩龍停車場，經過呢條橋入村！

幫人賣下廣告先，三生牌名酒標誌！
三生牌鹿茸大補酒，係男女強身嘅妙品！妙品！

經過一個木亭，可以在此熱身都得！

途經呢個開心坊自助燒烤場，仲有自耕農作！

好一幅藝術品！似唔似一塊風帆呀！

經過一間石廠後就見到左邊係漁農自然護理署！

右邊係大自然自助燒烤場！
行咁入黎燒烤？好遠者！人影都無隻！

開始行入川龍林道

終於見到指示牌，選擇龍門郊遊徑！

不忘影下路邊植物先，幾高既樹木！

乜野果實呢？有藍有綠幾靚喎！

有見面喇！路邊野花你不要採！

似唔似一手手禾干草呀？

第一個路邊公廁，唔好問我乾唔乾淨呀！我唔知呀！

準備入龍門郊遊徑

回頭望番呢條小斜路就係龍門郊遊徑入口處

又可以熱身拉肋位！

開心有泥路喇！腳仔無咁倦架！

第一個開陽位！

影番張青蛙相先，加左塊石頭做眼睛又幾似喎！
放石果位人兄真係好有諗頭喇！

路經企業植林計劃路標，有椅比你抖抖添！

除左泥路都有石級陣的！

三支公！

到達龍門郊遊徑壹號橋都未夠一個鐘！

繼續又入樹林，沿途都有庶陰！

呢位人兄真唔識做喇！比我影張相先嘛！
達龍門郊遊徑貳號橋

呢位行山人仕行落去唔知捉乜呢？

又到到龍門郊遊徑叁號橋

又有大把行山人仕休息！

繼續跟指示出發城門水塘！

一柱沖天！

有見面喇！路邊野花你不要採！

窗外有天！

比薩斜塔！

遠望昂船洲大橋，但太大霧了！

近望是圓玄學院，荃灣如心廣場！

黑雲來了！

藍天殺到！

又往龍門郊遊徑及城門

第一個標距柱，呢個C字代表乜野徑呢？

開陽地方涼下先！

第二個標距柱

到了人生交叉點，兩個牌都寫住去城門水塘？
左邊1.1km和前面1.2km
我睇漏左上面都寫住龍門郊遊徑，所以應該向前面行！
唔係就行多左1.1km架喇！

可是我選擇了左邊以下呢個指示牌方向，以為行少ｄ！

點知．．．．．．原本全程行7.5km！
但我多走左一段路，變左全程行左8.6km！
（在Google map查番先知）
紅色係我選擇行左邊方向的路程！

記住唔好跟以下呢個指示到城門水塘呀！
途中有段落斜路都幾多碎石，幾滑！
要小心慢慢行就無問題！

落到石屎路見到呢個指示，唔駛抓頭！
向番龍門段走

望番剛才落黎條路都有個指示的！

好清楚啦！

開始行番石屎路！

行左一陣已經有個涼亭比你休息下喇！

亭頂收藏左多把掃把，可能係比ｄ清潔工人！

行又有呢個指示牌，都係繼續行右邊水塘段就得！

見到有蝴蝶園

隔離有個閘位比你入內，
但下面好細，但有幾張桌和椅，可以休息下！

打個圈又在同一入口出番來！

一絲絲既係乜黎架呢？

好彩比我影到一隻蝴蝶！

仲有一片爛葉！

呢個又係乜東東標誌呢？行到出口我知了！

呢段叫做畔塘徑，由入口到呢度仲有500M
亦即係好快到出口了！

見到龍門郊遊徑喎！
即係頭先分叉路選擇向前 (1.2km) 走的出口！
選擇向前可能無行得咁辛苦既落斜位！

初時諗住行少些，反而變得行多左路？

繼續走又係另一個賞蝶園既入口，
不過今次無落去了！

繼續行見到第二個公廁！唔好問我乾唔乾淨呀！我都唔知呀！

未出閘口前見番呢個畔塘徑既開始標誌牌！

到了閘口

出閘後向番城門管理站和菠蘿壩方向

果度有茶水亭和廁所等緊大家喇！

經過城門管理站

再見喇！阿凡達！

左邊茶水亭和廁所喇！
1440到達！

前面就係菠蘿壩

梳洗後就搭番小巴82號返回荃灣喇！

好彩上車時才見到一隻馬騮者！

邊行邊影相用左三小時五十分完成
之後搭番出去食下午茶了！