小吉生日篇@La Cucina Italiana

去海洋公園玩左成日，出番黎就搵ｄ好野食慶祝下先！

我搵左間意大利菜餐廳 La Cucina Italiana

原來在澳門都有間分店！

兩層餐廳，下層係酒吧，上層餐廳

牆上都掛左食具裝飾

同小吉飲杯先！生日快樂呀！

有碗係芝士粉，一陣可放落意粉和薄餅！

另一碗醬有些香草和蒜茸，有少少辣但好好味！

香草蕃茄碎

四季薄餅，有四款不同味度
有巴馬火腿，沙樂尾腸，肉碎，唔知乜野欖
最唔好食係有欖果款

巴馬火腿

白酒汁蜆意粉

係我鍾意既彈牙意粉，較硬身少少！
個意粉都吸哂ｄ汁味，正！

特式烤羊架

賣相好得，但真係好咸！
係本身羊肉已經整到好咸！
莫非佢地傳統係食濃味既？

原本諗住呢度氣氛環境都幾浪漫，唔算太多人！
但就因為有班七至八人坐附近，
其實都隔左三張桌位架喇！
但佢地真係好噪！好吵耳！
不時聽到好尖既女人笑聲，真係破壞氣氛喇！
全場只有她把聲，真係好難頂！

周邊都係一對對，有時真係唔該顧下人地感受啦！
成場得你地一張桌咁鬼大聲，隔左牆都聽得好清楚啦！
唔該將你把恐怖既笑聲調低些啦！

若果唔係小吉生日，我一定叫個侍應招呼下佢！