午餐周圍食!

同大家一齊分享下！

西九龍中心～和亭既午餐定食！

先黎前菜沙律，麻醬沙律汁好醒神開胃！

石頭泡菜牛肉飯定食，辣辣地好好味！

石頭鰻魚飯定食，就唔多掂！

牛肉烏冬定食，好抵食！肥牛都好多！

石頭海鮮飯定食，辣辣地好好味，但海鮮太細粒了！

朗豪坊 High Tea

好似好高級，價錢仲好唔抵又唔值添！

呢個英式都要二百幾！好彩有人請，唔駛我比錢！

三文治都幾普通，好在ｄ芝士好好味！

佢地既比利時既朱古力真在太太甜了！
生果撻無乜特別，個撻皮都唔得！

提子牛油鬆餅，無乜特別，會好飽肚！

Cappuccino, 好在夠熱！

賣相幾靚既Mocha Coffee, 差在唔熱！
連Starbucks都好過佢！

最後要侍應比杯水我，點知水仲熱過佢，死未！激死左！

呢度真係唔會有下次囉！

灣仔～大利
清湯牛腩伊麵，三十幾蚊碗！
真係有乜咁好味呢？貴我就知囉！

西九龍中心～銀咖哩
晚飯時間ｄ豬扒可接受，但最重要既咖哩汁又係唔熱！
真係唔得囉！點撈飯呀！

尖沙咀～星座冰室

蕃茄雞翼麵，雞翼有三隻，拎左小吉一片牛肉！
蕃茄湯底好太'傑'，可以叫蕃茄撈麵多ｄ！

尖沙咀～萬豚屋

今次唔駛排隊，所以入去試下！

石鍋烏冬豬骨湯底

石鍋烏冬辣味湯底

每款烏冬都有隻溫泉蛋

吉列豬排，個皮整得好好食，鬆脆唔油！

黑芝麻豬排，磨碎哂既黑芝麻加花生粒，幾香口！

但兩件豬排既邊位都有肥肉，唔通係特選豬排？

仲有飲品！

美心下午茶

龍鳳檸樂，好味！

公司三文治，好多料又有粗薯條，正！

深水埗～周記

油渣麵，小吉話好味喎！我就唔食喇！

除左油渣麵外另一選擇
生炸鴛鴦餃，新鮮即炸，由生炸到熟，
唔係一般煮熟後拎去炸！
好香口，加埋ｄ醬汁好好味！

九菜餡香口ｄ！

木耳馬蹄豬肉，一般啦！

天后～華姐清湯腩
除左個名好聽，又係唔知為乜排哂隊！

為食消息報告完畢！