獎賞錢換來一肚氣！

大家都知道信用咭可以用積分來換禮品，
在網上可睇到不同禮品既圖片和資料的。
我都試過換過不少禮品，但今次就比佢地玩死！

酷彩法廚真係搵鬼笨！
之前在獅子銀行用餘下既獎賞錢換以下禮品兩套，

這是官方圖片及資料！

點知去到唯一一間換領處，原來係酷彩法廚門市，
入到呢間什麼法廚後比換領信他們，
一位女職員竟然話：其實呢個禮品唔係網上圖片既心形，係普通圓形的。

我話唔係喎！在網上係得呢張相，無其他喎！
佢居然話：我地一個星期前已同銀行講左係圓形呢款架喇！不過獅子職員話要換圖需要時間

我話：我見呢幅圖都唔係呢一兩星期既事。
女職員話：若果你唔想要圓形的話，可同獅子銀行取消番換領！

突登去到中環，仲要上一大條斜路才去到換領處，白走一趟！

回到公司，打去獅子銀行講，話佢幅相片和禮品不相同，
女職員竟然話：張圖片係心形，但無寫明係比心形你喎！佢可以比其他形狀你喎！

你唔係化！敢都講得出？
我都好不客氣地回應：敢你放個心形相架出黎，去到換領時就比個方形你，你得唔得？
若果張相係個蛋糕，去到唔係比個蛋糕你，比包粉你，你得唔得？
你地又無寫話相片只作參考？又或者先到先得？又唔係話無貨？
呢個獅子職員用呢個藉口就好離譜囉！
浪費哂我既時間同金錢！搞到我好無引！

若果呢間什麼法廚唔想比人免費換領，就自己比清楚禮品既資料銀行！
兩條友唔好你推推卸責任喇!
依家銀行仲將呢件禮品放在推介版面，你地究竟想點？