第四日，執野走人喇！
知道今日走人，所以都訓耐ｄ唔想咁早起身！
成十二點先食早餐！
一杯提提神！爽呀！
芝士包點埋ｄ蛋汁，外脆內軟！意想不到好好味！
居然有人游水！勁呀！
我們既暖窩外牆！
營後面影番過黎！
營友豪華營！
隔離有個香艷營，全部都係主人家自己車的！
都係有保暖既外牆！
其他營友既外牆！
大家努力執野！
又執野又曬野，忙左一個下午，
差不多五點再煮番個營多撈麵先，加埋煎到脆卜卜既午餐肉！
飲埋罐可樂，掂哂！
小吉幾興奮！
仲有Telly給我們的士多啤梨！
Telly同家明既暖窩，比我偷影到喇！
臨走叫埋mimi, Telly和家明影相先！
又係貝澳既日落呀！
睇埋先繼續執野！
最後臨走時留番樣紀念品比mimi同馮生！
影得唔咪太清楚添！
各位營友下次見喇！
你地的餐食超豐富,超有特色 ^0^, 真係好有心機, 唔食都知好好味, 看到都流口水呀, 小吉拆蟹都犀利呀! 你地係4日裹有無出外補給架? d食材好多款呀.
回覆刪除看到 chip n dale, 真係笑咗出來, 好搞笑呀!! 不過你掉轉我倆面具, 但唔緊要, 我一樣喜歡呀 (因為我鍾意chip = 鍾意他... 哈哈哈~)
小插曲~~~元旦係營地見到叮噹夫婦, 佢地搞錯我地係小雪小吉, 好好笑. 好開心認識你地, 下次見 ^0^
[版主回覆01/05/2012 09:41:44]我食佢時死左嘛！食....家明呀！哈哈哈哈！
白灼蝦，都好提意！
其他營友既裝備梗係勁啦！佢地玩左好多日喇！
[Telly回覆01/04/2012 23:01:09]唔想親手殺生... 但你親口吃掉... .... 閃!!
chip n dale 公仔頭唔駛掉番, 紅色襯我, yes yes yes~
看到蝦... 我想下次整白灼蝦, 加辣椒豉油, 簡單方便, hehe~
我係最遲走的一伙, 看著大家離別時的裝備, 一個字.... 勁!!
[版主回覆01/04/2012 22:00:20]我地無出去補給呀！所以第一餐最豐富！最尾就係罐頭或乾貨咋！
小吉拆蟹我都讚佢架！因為我唔想親手殺生！haha
次次諗好每日食乜都幾煩架！我都想食你既磨菇意粉啦！
我掉轉左咩？我只係見到紅色算襯你ｄ咋！下次掉番！
連mimi都要玩埋公仔頭一份，呢度係動物園呀！haha
叮噹認錯我地？係咪天黑呀？我地在灣仔都見過叮噹夫婦架喎！haha
我入左動物園......好搞笑......都幾襯我......哈哈哈......
回覆刪除[版主回覆01/06/2012 10:00:18]特登搵隻粉紅色蝴蝶結既比你架！
可樂代言人唔係馮生咩？
[mimi回覆01/06/2012 00:04:58]可樂代言人.....
咁快又要執野走人呀!! 吾知幾時再黎抖一抖氣呢??
回覆刪除煎雙蛋你煎得好靚仔呀!!
好有心思咖啡杯加張紙巾!! 好特別呀!!
呢個芝士包點埋ｄ蛋汁又另一風味!!
咁涷仲有人游水！吾止勁呀!! 係超勁呀!!
好彩有好友幫手起暖窩外牆令今次旅程不怕大風!!
隔離營友呢個香艷營真佩服她自己車出黎!!
玩左四日真係吾捨得咁執野走人!!
最後歎埋呢個小雲撈麵加罐可樂!! 爽晒!!
mimi你有無叫馮生過黎睇下 {{ MIMI 心心 }} 呀??
[版主回覆01/09/2012 11:16:42]你Ｄ期咁難就，真係要諗下喇！
我都識得用呢隻鍋唔痴底喇！正！
你話你自己有心思呀！讚下你，少少啦！
烘過後，個包真係幾好味！
好耐無食煎午餐肉，脆脆地又幾好味！
mimi笑左啦！馮生就唔知喇！噴嚏應該打左幾個既！
妳就好啦可露足四日, 縈魂本想留多一晚架, 可惜有約在身唔早走早著唔得啦, 哈哈哈！
回覆刪除縈魂都好服那麼涷的海水還有人去游泳, 比我就冷死海裡啦。
妳及你們的營友裝備都好勁呀, 有大天幕擋駕真係密不透風, 令營內暖暖啦。
縈魂都有被那粉紅色的特別營吸引哩, 也許自己都偏愛粉紅色, 原來係主人家自己弄架, 真是佩服到五體投地呀。
計計吓小雲在貝澳連睇咗四天美麗嘅日落景囉, 你哋都玩得好盡喎, 最後一天都那麼夜才出回市區, 果然非常充實的聖誕假哦。
縈魂也希望我哋好快又夾到檔期, 再齊齊去露一露, 嘻, 到時不給小吉一個專美獨享妳的美食啦, 嘻嘻嘻…..
[版主回覆01/09/2012 10:31:23]係呀！好難得先有四日假，所以天文台話會凍都唔理了！玩左先算了，唔知幾時先有下次嘛！
游開冬泳既人都唔會覺得凍的，而且有太陽出現都游游下就唔覺凍！
我地未試過冬天露營，怕凍病無得玩，所以要好好保住呢幾日假期，Keep warm！
真係五體投地呀！一個女人乜都係自己搞掂！勁呀！
哈哈！下次唔知幾時了！小吉Ｄ期好難就！HoHoHo！
心形士多啤梨，係唔係小吉砌比你架？
回覆刪除[版主回覆01/09/2012 09:48:52]心形士多啤梨？唔講唔覺喎！
你都好有想像力喎！叻！
舉辦Blog友營,一定是玩得很開心了吧....
回覆刪除[版主回覆01/11/2012 09:46:49]唔係舉辦Blog友營呀！只係大家都在果幾日到貝澳露營，我地就係度相認下咋！
不過都好開心呀！
日落好靚呀!!! ^^
回覆刪除[版主回覆01/24/2012 19:05:59]係呀! 好清楚咸蛋黃架! 落得好快, 影就要快手喇!