一星期的晚餐！

　　
好耐無自己煮晚餐了，呢個星期有機會玩下煮飯仔喇！

放工番屋企仲要煮飯真係唔易做架！

所以整Ｄ簡單快捷既野食先！

星期一晚餐之外賣壽司！

帶子依然咁好食！

蠔壽司都係第一次在百佳買到咋！都好有蠔味！

仲有好耐無食既冷麵！真係果然好吸引呀！
可以一齊用小雲小吉碗添！

一啖凍冰冰既冷麵加少少芥末，紫菜，蔥花和冷麵汁，正！

　　

星期二晚餐之煲仔飯！

涼涼地整番個臘腸煲仔飯先！

仲加左阿媽既瑤柱，蝦乾，金勾，可惜搵唔到冬菇添！

用瓦煲煲飯真係唔同味，好有風味之味仲有瓦煲煮飯味！

依家仲有陣陣臘腸味！上碟

搞勻飯後

唔想再煮肉，只係蒸左個帶子豆腐

蒸好帶子豆腐後再用靈芝菇整個蠔汁

嫩豆腐真係好滑好好味！

最後炒番碟臘腸芥蘭先，最緊要有酒！

第一次炒都幾好，因為唔會炒得太林！

粟米豆腐魚肚湯

Ｄ魚肚真係好似豬皮呀！一人一大碗！

　　
星期三晚餐之打邊爐加鐵板燒！

放工才去買海鮮，所以選擇唔多。

最重要係有主角大蜆，未打邊爐先來一個胡椒花甲煲！

湯底有胡椒粒，榨菜，白蘿蔔，娃娃菜，大蜆

食完個胡椒花甲煲後先開始打邊爐！

大大隻好好肉！

開始打邊爐喇！

有象扙蚌仔，鮑魚仔

鮑魚仔原本要$110一斤，依家$35！好爽好彈牙！

仲有手切肥牛，雞脾菇，鮮菇

手切肥牛，先十左一片，其後都係鐵板燒香口野味Ｄ！

牛既肉汁留在鐵板上，即燒菇菇！吸番Ｄ牛肉汁先！

小吉指定要雞脾菇，我就要燒鮮菇！

好正好好味！仲試下燒鮑魚仔！

其他丸丸只係配角，當然食唔哂啦！

仲有嚮寧同娃娃菜吸哂Ｄ胡椒湯好好味！

　　

食完Ｄ熱氣野梗係要潤番下啦！

冰糖燉雪梨雪耳糖水

小吉必食既燉糖水！佢要豬潤下喎！

　　
星期四晚餐之懶人撈麵

今日放工好倦了，唔想郁！
開完機洗衫後訓係度睇下電視！爽！

之後整過簡單快捷芝士腸印尼撈麵，當然仲有娃娃菜啦！

　　

星期五晚餐之餃子烏冬定食

終於搵到滑滑稻庭真打烏冬，好回味！

加埋兩舊嚮寧

仲有日式餃子同西蘭花添！

最後食埋鮮奶燉蛋，滿足哂！

　　


星期六晚餐之美味西餐燒春雞！



第一次用焗爐整燒春雞！

用左香草黑椒檸檬黎整燒春雞！

入爐喇！

都幾似樣喎！

本來用來放在燒雞下既什菜，但唔夠位放入爐了！
只好用鍋炒啦！


　　
飲碗餐湯先，自家洋蔥湯，好好味！

當然要加個餐包啦！

整左鮮蝦帶子意大利飯！

食左兩小碗！留肚食燒雞！

出爐喇！都幾靚喎！

見得下人啦！

脾翼相飛！

食得喇！一人一邊，但我就食唔哂了！

最後甜品係比利時三重朱古力雪糕！

　　


星期日晚餐之六人新煮意！

小雲、小吉、型姐、威少、賓妮、亮哥

中午時分已經開始準備今晚既晚餐！

今次我煲滋潤老火湯，所以就有時間在下午整個小點比他們喇！

班蘭蛋糕仔

六小杯方便試食裝！

今次用少左班蘭葉，所以味道淡左少少！

另外呢個就留作第二日既早餐！

食左一半就留番比爸媽，等佢地番來食喇！

　　

睇下今晚食乜先？秋冬最好滋潤一番！

先來兩碗滋潤老火湯～蘋果雪梨蘿蔔粟米湯

加埋瘦肉和雞脾骨，夠哂足了！

威少既Washabi絲雞

真係心機之作！除左雞脾絲外仲有責瓜絲，西芹絲和海蜇！

下次可以只用Washabi唔用上湯，就更有Washabi味喇！

小吉既肉骨茶拼盤

肉骨茶汁味濃縮左就咸左辣左Ｄ！

下次唔用滷水豆腐了，好似硬左Ｄ！
牛展有些林有些UN，下次再努力先！

我今次隻蛋烚得唔好，下次再試過至得！

型姐既紅酒燴牛肋條

紅蔥都溶哂落個汁度了，蘿蔔都入哂味！

牛肋條比牛腩容易林，伴埋意粉，正！

賓妮和亮哥既什菜煲

有百合，腐皮，豆角，娃娃菜，蝦仁，白磨菇，蟹味菇，秀珍菇，好多料架！

加埋粉絲吸哂Ｄ上湯味！

個廚房比我反足一個星期夠哂了！
原來放工後回家又要煮飯都幾趕架！

又要諗下食乜好都幾辛苦煩惱架！

所以間中搞下新煮意就好了！