小吉生日＠東部華僑城 part3

20110919


難忘的生日飯


七點左右仲落住雨，我地在無上茶溪谷食飯，諗住近近地去番小鎮果度食。
點知所有食店都關了，未關的都準備關了，不再接客！只有酒吧！

有冇咁早呀？真係太過份喇！

問左員工後都只好出番園外停車場搭909去茶溪谷那邊食飯！
點知行到去909車站時，又問下Ｄ員工，那邊食店會否咁早關門呢？
員工問我地有冇訂桌，我地話無呀！
她話未必有位，而且九點左右都關架喇！

天呀！依家都差不多八點了，我地怕搭到車上去又無得食就白行，
最後經她和途人介紹下去了附近的小餐廳食飯。
落住雨，我地無引之餘都無要求了，總之有飯食就得架喇！

差不多八點才離開大門口外既停車場
好彩細細雨，我地兩個就行去附近食店

成條街都無乜人

終於見到有間餐廳！
同之前果位員工講既差不多，好多都係辣辣地，燒味既野都無哂了！

佢地都係做街坊生意既小店，煮完野比我地食，自己都開飯了！
小吉生日要難為下你喇！

第日再補番數！

雖然係小店，佢地即煮比你架！因為我見到佢拎住條青瓜！

拍青瓜，好大碟，唔知點解會辣既？但都開胃！

橫掂都係試下呢個尖椒回鍋肉飯

叫左少辣都無用！尖椒無去"銀"，但回鍋肉就好好味，唔肥！

怕又係辣，安全起見叫個紅燒排骨飯

點知都有少少辣，不過少少者！

番回酒店時順便去買定消夜，怕小吉唔夠飽！
不過呢間野無標價錢，任佢講！
一支可樂４蚊，一碗杯麵５蚊，真係幾唔抵！

本來九點左右回到酒店的，但同隔離房既朋友在大堂傾左好耐，
大家講下今日在園內有乜好行，好介紹，交換心得！
大家都幾有緣，因為去程都係同一架車的！

十點左右唔傾了，我地要番房先，因為酒店要拎生果黎我地房！
酒店話今日整餅師父放假，送唔到蛋糕比小吉
終是送生果黎喎！真搞笑！

９月１９日小吉既生果餐呀！

不過小吉話食埋個消夜先食生果喎！

口痕食小小！

最緊要順下條氣先！

再食埋個火龍果，好飽了！

順便介紹下房間比大家睇下先！比我想像中好！
無中旅職員講到咁差：咪兩張床，乜都無架！

顏色摩登又整潔！

電視周邊都係鏡，好過平時酒店果ｄ一大個鏡對住床！

我幾鍾意呢個燈！

呢條係房間走廊

搭Lift落大堂

Lift外既裝飾
五樓

四樓

三樓

出左Lift直望大堂！通道會換顏色的！

由大堂望番去西翼房間既Lift位

另一邊紅色Lift既係去主樓房

大堂

大堂對面係食早餐既地方

周邊都係海洋既裝飾

明日繼續玩轉茶溪谷！

小吉生日＠東部華僑城 part1

小吉生日＠東部華僑城 part2

小吉生日＠東部華僑城 part3

小吉生日＠東部華僑城 part4

小吉生日＠東部華僑城 part5