兩口子中秋探友營@貝澳

中秋要在家同屋企人食飯，好彩今次早開餐，食完飯之後可以出外走走！

今年中秋我同小吉去貝澳探下營友啦！

因為佢地都一早到貝澳玩，我地又心思思去玩，一晚都去就探下營啦！
十點半左右到貝澳了，快快手搞掂好個營先！
今次多謝營友mimi幫手呀！我同小吉可以輕鬆黎探營呀！

mimi整在開餐中，睇睇幾多餸！

我同小吉都試下先，蒜茸炒蜆好野味！

我仲試左錫紙焗魚，加左檸檬汁，唔腥幾好味！

成個沙灘都有好多人玩蠟燭，燈籠，仲有人放孔明燈添！好熱鬧呀！

我地加左小小中秋裝飾都好有氣氛，準備今晚嘗月添！

今晚兩口子曬月光喇！

已經0145， 營友又準備生果餐！

涼粉都有罐裝

小吉期待左好耐既生果涼粉呀！多謝哂！

生果餐！

冰皮月餅都有呀！

我地外賣左糖水，有綠豆沙，渣咋和黑糯米．
馮生發明左西瓜綠豆沙，好好味喎！第二日又試埋渣咋和黑糯米加西瓜添！

0245 我地嘗月喇！
 

聖誕有聖誕樹，中秋我地有中秋樹！

Candle night之下應節，食下月餅嘆凍烏龍茶！

又有生果食，但太飽了！最後都留番聽日先食！

食完野後就去沖涼了，依然好多人都未訓！
最後我地0530左右才訓！


不過九點左右已醒了！睇下出面幾好天，整晚都無落雨！

中秋仲要用風扇呀！不過半夜都有少少涼！

呢幅似唔似畫呢？好嘆敢曬太陽呀！

梳洗時比佢霸左個水嚨頭

天色幾好，一班人學獨木舟呀！

呢度都有海景餐廳！

呢張係小吉既作品，斜角！

我地無帶Cookset去煮野食呀！就到外面餐廳食個早餐先！
超力伊麵都好似福麵！即煮比你幾好味！$26蚊咋！

天色好靚呀！

太曬了唔想變剪影梗係唔落水住啦！

得閒玩下遊戲先！

今日我做左大輸家！玩乜都輸！小吉當然認叻啦！

玩左一輪，小吉去營友吹下水！
爛玩小吉仲訓埋人地既網床添！左搖右曳小心整爛人地架！

仲話吹吹風好易訓幾好喎！

今年呢隻Angry Bird好熱賣呀！

今次佢地收穫好豐富喎！好大隻添！

我同小吉落去玩左陣，都摸唔到大大粒！下次我地再努力過！

不過今次有袋手信回家呀！多謝哂mimi呀！
今個星期同家人分享下先！佢地之前食過都話好鮮味呀！

有時間執好哂野先！小吉訓係度幾嘆！

之後又玩大富翁，依然係輸家！

夜晚出到東涌就要請食飯喇！

雖然只係兩日一夜既露營但都好滿足喇！
頂住引先！期望下個假期再玩過！