再來海下浮潛+獨木舟

今年第一次去海下，星期日勁多人，
唔知係咪因為星期一會開始落兩，個個趁住仲有太陽就出去玩呢？

在旺角好長龍呀！十架車先上倒呀！好在好快一部車！
遲左到西貢碼頭，好在小雲小吉已經係度等我地，去到即上車！

今次我地都係同 "雲Ｘ" 預早book定獨木舟，三隻單人！

點知...原來佢搬落左近沙灘位，但係縮細左舖。

無左沖涼位，只有兩條水喉。無左廁所位，叫你去大海解決喎！

Locker又比最低層你，因為係連埋book艇一齊的，是無得揀的！免費喎！
上面果Ｄ層比租locker既人用喎！大家都係客者！唔咪先到先得架咩？

我地三個人比得兩個locker我地，敢係咪比番一個locker錢我？
又話唔夠位可比個尼龍袋我地放。

敢咪即係$100一隻艇，其他都是免費的，你就唔好有要求喇！

搞到小吉都好勞氣！我諗下次都唔會搵佢喇！



　　
做完熱身我地三個就準備出發喇！

小吉一馬當先試下隻艇有冇入水先！

因為近碼頭位好多人在浮潛或玩水，我地只好去遠處少人些既珊瑚區啦！
到了珊瑚區已有艇停迫了，我地就扒遠少少先落水玩浮潛！
一落水見到既係一群好細既魚仔！

勁多海刺，好怕會比佢刺到。

黃色三間魚

軟珊瑚

藍色三間魚

幫小吉影番張先！

有時一有船駛過就有大浪，我地都要小心比吹埋石邊！
其中一隻艇就吹左入石邊，好彩見到我地就回去執番隻艇，
之後順便開餐！
　　

今次只得鹵水雞脾咋！
因為太趕時間無買到咖哩魚蛋，下次記住先！

食完再玩多陣浮潛！

小吉好眼利見到呢條咩魚呢？

浮潛其間見到人地都在浮潛，不過佢無著救生衣的，
但見佢成日浮下又企下，點知比我見到佢企左係硬珊瑚度！

點可以敢架！佢唔係在浮潛，係破壞緊呢度既海洋生態呀！
真係過份呀！你敢樣比你踩爛哂啦！

呼籲大家去浮潛既人唔好亂踩珊瑚呀！愛護海洋生態啦！
我地唔想見到一片死哂既海下呀！

因為小雲小吉隻艇有滲水既情況，所以我地都係回航先了！
而且怕人多沖身耐！

自拍一番先！

見到我喇！休息中！

我同小雲小吉一支箭扒向沙灘！

回到沙灘邊都唔捨得落艇，包密ｄ唔怕曬！

我同小雲小吉幾爽！

最後玩埋拍Video就收上水走人！

有個人唔怕比小雲小吉打中，係佢身邊照游可也！

小吉好他條敢扒！爽呀！

今次我就包得密密實實，唔怕曬！

小吉就依然短褲，佢想燒豬腳！

小雲小吉都著埋防曬衫無有怕，但佢無手套，最後變左燒豬手！


下次我地唔扒獨木舟了，淨游水，游去第一區浮潛啦！
仲要帶多ｄ野食先！