兩口子開心好友營一@灣仔露營

七一回歸又有三日假期，我同小吉又去灣仔露營。

回歸大自然！感受大自然！

呢幾次有假期都選擇左去露營，死火唔通我地上左引？

出發前都知有驟雨，做足防雨設施，傘，雨褸，涼鞋都準備好。
行李就用垃圾袋包好，落雨都無有怕啦！

點知我地坐巴士去黃石時，除左有勁大雨仲發出雷暴添！
真係有些擔心落住雨點起營呢？
好在轉搭船時就細細雨，唔駛咁狼狽！

到左營地後時雨時晴，我地快快手起天幕頂住先！
今次我地用呢個好友營！多謝哂好友呀！

生人勿近既蜘蛛式扎法！

今次好好彩有桌枱用！

個營都好長身，前後都好通風！

可當門前又可作後門，捲起中間既幕就係小天幕！

好友營！好有型！

因為野狗當呢條木樁係佢既流動廁所，
我地唯有用三支竹頂住！

趁太陽伯伯出黎，我就曬乾番件雨褸收埋先，因為之後幾日應該會天晴呀！
　

搞掂好我地個營後，就要開餐了！
　
午餐都係之前整好既冰凍冷烏冬！
當然要飲番罐可樂開心下啦！食飽真係唔想郁！

仲有小食拼盤！

Mimi同老公睇日落幾浪漫！

佢地早一日已經入左黎，仲有好多魚獲添！
晚上將新鮮既魚放在海度養住先，
點知第二日拎番黎睇比蟹鉗爛左個網，食埋或放走了！

呢Ｄ係佢地訓左覺冰鮮既魚喇！

大廚真係有要求，在日落下手起刀落！

好有Feel呀！

呢Ｄ毛毛蟲就令到有些營友皮膚感感喇！我都怕怕！

今次營地多左好多呢款豪華營！一房一廳，打風落雨無有怕啦！

若果將幾個呢款營放埋一齊，會唔會入錯屋呢？

呢幾條係小吉幫人影相打嘗番黎架！

為慶祝回歸，我地晚餐食雞~旺菜雲吞雞！
　

可能落過雨，添多一碗飛蟻湯！應該話小吉捉既飛蟻湯！

晚上探訪營友既收獲

係咪街市買架？

我地就無收獲，只係捉到幾隻小蟹仔咋！

我一放多一隻蟹落個鐵煲度，佢地即係打交，好狼呀！鉗落對方隻鉗度！

我好鍾意呢隻蟹，幾包包樣喎！

影完又掉番落海！

最惡果樣勝利者係上黎時跌番落海！算佢好彩啦！

多謝營友！我地既消夜有蟹食，細細隻但好多膏！

最後11:42pm 仲要食埋碗桂花麻蓉湯丸潤番下！

可想而知我地每晚幾夜才訓呢！