兩口子親親大自然一@西貢灣仔露營

端午節同小吉又去親親大自然

今次係我地第一次去西貢灣仔露營，三日兩夜呀！
一早食過早餐後就在鑽石山搭巴士，原本搭96R的，
但只係假日先有車，所以我地改搭92去西貢！
點知個巴士司機話唔比我地上車，話我地個袋太大唔比上車，
個個都咁大件行李，架車係載人的，唔係載貨的。

有冇搞錯！得幾丁人上車都難為我？都係一架車仔Size者！

大家周旋左好耐，小吉用埋軟功：一次啦！一次啦！

我就：我特登搭車黎轉車入西貢，你唔比我上，我無車搭架喇！

又軟又硬！最後都上左車，唔咪趕住入去，我一定同佢慢慢傾！
整個車程都唔滿，個司機真係玩野！
去到西貢剛剛有車，我地轉94去黃石碼頭。
原本諗住搭10:40班船去灣仔的，今次遲左了，只好搭11:40啦！

呢d船都可以去的，但包一隻都百三蚊，有人share，二十蚊一位就上喇！
又無其他乘客一齊，梗係等一陣啦！

我地就係搭呢隻船去灣仔喇！

小吉幾百厭！

後面有冷氣位

出發喇！

好快到灣仔了，mimi黎到碼頭接我地，因為佢早兩日已入黎玩喇！
我地在南營尾處札營，唔駛在碼頭果邊咁噪！
天氣好熱呀！我地起左天幕再札營，舒服哂！

今次快左兩點可以開餐！

因為預左札營後又熱又倦，我就事先準備好午餐，唔駛開爐！

小吉後面就係營友兼blog友mimi喇！
睇下佢間屋幾正！前廳後房架！好多其他營友都來參觀呢個示範單位添！

成大碗冰凍冷麵

麵豉湯都唔飲了，飲冰凍蘋果茉莉茶解渴！

仲有小食拼盤

牛展好快食哂了！
冷麵加埋蔥花，冷麵汁和介末，爽呀！

仲有海蜇

我地因為無桌和椅，所以就在營前放桌布野餐喇！
呢張係坐在營前的風景
前面幾多營繩，個石桌和燒烤爐都係隔離營的，他們晚上BBQ，
我地第二晚先可口以有桌用！

食飽抖下都幾寫意！之後我地就落沙灘玩下，睇下有冇收穫喇！
呢Ｄ係Mimi既收穫！勁呀！

呢Ｄ係我和小吉在沙灘邊拾的，未死架！

似唔似雪人呢？

我地影完相就放番落海了！

黃昏既營地好靚呀！

之後就去沖涼，因為洗手間修理中，只得兩間，唯有慢慢等下啦！


我正在準備晚餐中，又做無飯煮婦！除左各營既營燈，四周都係漆黑的。

開餐喇！

今日晚餐有冬瓜酸辣湯

雖然天氣熱，但都忍唔住口呀！Ｄ冬瓜入哂味，正！

好味哩！

仲有小籠包

食完頲籠包就開爐煮大蔥爆羊肉

大蔥爆香先，Ｄ大蔥好香，吸引左隔離營友添！

再加埋羊肉

蒸銀絲卷

將銀絲卷介開

夾上羊肉搞掂！下次可以多Ｄ大蔥添！

食食下營友請我地食的
小吉話條魚好味呀！我就食左好多蒜茸瓜，勁蒜好好味！
唔記得問係乜野瓜呢？小小脆，係咪脆肉瓜？

食飽後去清洗餐具，呢度方便好多。
因為好多水位唔駛等！又或者可能我地食到夜啦！

番黎再食埋個啫哩甜品先！
荔枝味真係好似食緊荔枝呀！

最後又去排隊沖多次涼才訓！


營內既飛碟燈，隔離條繩用黎掛起個牛牛風扇

小吉給我既牛牛風扇

小吉既座地風扇

半夜都有些涼，所以都關掉左！

呢隻吹脹肥蛙夜晚就演奏交響樂喇！搞到我無乜點訓添！

真係比佢吹脹喇！

第二日