兩口子親親大自然二@西貢灣仔露營

第二日七點幾就醒了，其實整晚應該無乜點訓。
除左人聲外仲有呢Ｄ肥蛙交響曲演奏，所以我唔係適應難而入睡！

唯有早些起身食早餐喇！嘆番杯綠茶先！

我地一邊食早餐，一邊睇吹水同鄉會，小吉笑到比人以為佢自己傻笑添！

小吉至愛蒸粉果

仲有點心拼盤

仲有阿媽整既粽
 

帶左兩隻，蒸左隻做早餐，另外呢隻就煎比營友試，不過忘記左影相添！

呢煲叫做大煲湯，好多人都有得分享呀！ｄ蟹都係佢地夜晚時捉架！

多謝佢請我地飲蟹湯呀！
蟹仔雖然細細隻，但有都膏架！用來煲湯加埋蘿蔔和薯仔添！好鮮甜呀！

真係多謝哂喇！下次跟埋去捉蟹先！

食飽就周圍睇下人地既靚營！
在西營尋晚話好多人的，今朝就走得八八九九了！
呢度只得一個大草地，無海景架！我諗都幾熱架喇！

今日塔門有龍舟比賽，呢度有班營友仲去參加添！
他們走左，成個場變得冷清左添！


兩點幾我地先整野食醫肚先！

今次帶來上次忘記左帶既印度撈麵 (家姐印庸介紹的)
有炸蒜片架！幾好味！

仲有沙薑雞翼，原本係蒸的，為求快捷，我就煎黎食！

起筷！

突然發現左呢隻小昆蟲跳在小吉隻鞋上偷睇我地喎！
即係blog版面果隻！SO Q！

之後我地又落水，今次去沙灘尾尾。因為營友話可見到珊瑚，可是...

因為水退和太陽曬唔到果邊，我地乜野都睇唔到，只有水退後見到既垃圾堆。

捉左幾隻蟹後回到沙灘和另外一些營友在摸蜆，捉蟹，搭沙膽。
入黑前又回去沖洗，之後準備晚餐了。


呢個係專業調味盒乜都齊哂！不過唔係我既！

營友又送來一碟炒蜆！好野味！

今餐我地唔駛在地上野餐了因為有桌用喇！即刻舒服哂！

可能出發前一日又訓得唔好，尋晚又訓唔到，
一早已有少少頭痛，無乜胃口添！

先來個芝士燕麥包

拿破倫什菜

飲完湯後到左煮野時就更加頭痛，最後都忍唔住食左粒頭痛丸頂住先！

之後快手煮埋個豬扒意粉配洋蔥汁，連個洋蔥和脆肉瓜都無整了！

呢一碟係比營友佢地架！

呢一碟係我同小吉

不過今次Ｄ豬扒鞋左Ｄ，下次去番百佳買！

我真係無乜胃口，食左兩啖就停手了，好倦好想訓添！

原本去mimi度一齊食都無去了！唯有下次啦！


最後洗完野回營，頭好似無咁痛，可能藥力發作卦！
拎埋今晚既甜品綠豆沙出來，諗住開一包先，怕我食唔到。

點知......我食左一半留比小吉，但小吉話咁少梗係唔夠佢食啦！
最後我都能夠食埋果一半！呢Ｄ就係甜品既功效喇！
下次帶定Ｄ朱古力先！

之後快速去沖涼，呢晚訓到一個靚覺了！


第三日