踩單車都可以嘗櫻花？

週末梗係要去郊外抖抖氣！
我和小吉約埋小雲小吉就去踩單車，順便做下運動先！

食飽早餐，我們由大圍向大美督去發！
好耐無做運動，大家都留下力，慢慢踩！
雖然天氣幾好又有太陽，但不算好熱！
一邊踩一邊吹住風，都幾爽！

呢d係咪叫風和日麗，真係水平如鏡呢？

估唔到呢度都有咁靚既花呀！櫻花？係洋紫荊呀！

總之好靚啦！

沿途都無乜影風景喇！之前影得太多了！

幾經辛苦到達了大美督，我地整番個出前一可充充電先！

先來三杯咸檸雪，好耐無飲了，以前學艇時係呢度必飲的！

小吉就食干炒牛河

我同小雲小吉就食雞翼出前一丁。
顧住食！原來無影相添！

我地兩點半左右到，hea下等下，四點先再起程。
坐低左吹吹風，真係唔想郁！


最後決定唔踩回大埔交車，在大美督交車算了！
仲有時間我地踩上霸又hea下先！
小吉一支箭就踩左上去，我同小雲小吉就推車慢行。
上斜時又見到好靚既花，唔知係咪櫻花呢？定係洋紫荊呢？

我同小雲小吉梗係停下來影下相先啦！
可能小吉係上面等左好耐都未見我地，佢又踩番來搵我地！
比個機會佢影番張留念先！

影完就上去水霸！

可憐既風箏啊！

慢慢踩去水霸尾，中途又停下影相先！

耶穌光

人又抖，單車都要抖抖！

仲有人表演魔術逗女仔添！

時間唔早了，hea完就踩埋入霸尾，轉個圈出番來之後就交車走人！

望多佢一眼先走人！

原本一齊食埋飯先走，可是小雲小吉臨時要回家做節，
我就同小吉在大埔街市熟食街市了！

之前有blog友介紹過呢兩間，但今餐得我同小吉，我們就試呢間先啦！

先來一杯芒果沙冰，一杯龍眼冰
芒果沙冰幾好飲，龍眼冰就唔得了，得幾粒龍眼肉！

半打串燒，雞、豬、牛

都係牛最好味，個醬汁幾好味，有埋花生粒。

blog推介既菠蘿炒飯，顧住食又唔記得影。

之前好多肉鬆在飯面的，幾好味！

不過就少料囉！兩粒青口，蝦，魚柳。
飯內無乜料，只有小菠蘿粒，提子乾粒，好在味度搭夠！

蝦餅，厚厚既一件，都OK架！個汁都抹乾哂！
不過炸完未迫番Ｄ油走，見到都有油！

下次多人可以試埋三小姐籠仔蒸蟹糯米飯！