復活節兩口子美食營@貝澳（一）

第三次兩口子黎貝澳露營了！
難得今次有四日假期，梗係要去郊外抖抖啦！

今次我地兩個新丁迎接左好多第一次！

第一次去四日三夜咁耐既露營！
第一次明知落雨都黎露營啦！
第一次感受到天幕既好處啦！
第一次整日式燒餅啦！
第一次食大蜆刺身啦！


因為連續幾日假期的關係，十點鐘已經好多人在東涌了。
十一點半左右到達貝澳營地，好彩blog友兼營友Mimi姐幫手，
否則我地都無營位，要在好遠既草地或沙灘扎營了。
真係要感謝佢喇！

下午仲好好太陽，但因為知道夜晚會落雨，我們都有所準備把天幕扎好。
今次早左搞掂都係Mimi姐交路幫手，又要唔謝哂！希望無煩到佢啦！

我地呢Ｄ新丁要好好學野了！

在準備開餐時才發現無帶水袋，唯有用紙箱加膠袋頂住先！

搞掂哂我們食番個下午茶先！
XO醬蝦子雲吞加鴛鴦蝦子麵

未加湯前影張相先！

有粗有幼蝦子麵，呢隻雲吞都幾好味！

至叻係你啦！

都算夠料呀！

假期真係好多人，好多人在摸蜆了！

食飽去開工搵食，睇下有冇大蜆加送先！
最後雖然無大蜆，但都有唔少收穫！

天色開始變了，下起雨來，我們趕快去沖涼先了！
沖涼時都唔係太凍，但比隔離個小朋友不停話好凍...好凍...，搞到我好似凍！


第一晚既晚餐好簡單，但好好味！

下次問隔離營既伯伯借個Candle Light先！

先飲個龍蝦湯加芝士包！
呢隻龍蝦湯好好味架！唔駛加水，好香濃架！

芝士包

龍蝦湯

之後就煎雪花肉眼牛扒，加少許鹽和黑椒就搞掂！

都唔係你煮！扮哂野！

後面張天幕頂住，個位夠哂暖！

正！

仲有煎大蝦，只係加少許鹽。好爽！好好味！

又扮野！

好美味呀！夠哂爽！

怕小吉唔夠飽，煎埋屋企淨下既豬仔脾。

鹽，黑椒和七味粉搞掂！

洗好哂野後來個甜品先，當然係勁薑汁芝麻湯丸啦！
好夠薑掂呀！呢餐小吉話好滿足呀！

預備訓時，我想通風些便把營內既窗位拉開，
點知過左一陣大風吹時，吹起埋Ｄ沙，沙就由網位吹哂入營。

天呀！好彩發現得早，我地即刻拉番埋，然後又要抹沙，
搞到三點幾先話訓得！

天文台真係幾準呀！夜晚可始有雨了，半夜仲幾大雨添！
訓在營內，第一次感受到大雨，好似爆竹敢打落個天幕度，

我就無乜點訓，八點幾就醒了！
去露營都預左無覺好訓架喇！

復活節兩口子美食營（二）