打孖慶祝日

因為型姐和威少既生日相差幾日，我同小吉就打孖上齊齊慶祝喇！
今次搵左一間在佐敦廟街既小酒窩
之前去行經多次都未試過，今次就趁機會去試試先！

之前早兩日已經打電話訂左位，點知去到搵唔到我個預訂？
激死！好彩佢地都比番個靚位我！
（其實網上都有話過，打來預訂左，點知又無左名。
我諗早一日預訂好了，唔好咁多日！）

唔講咁多睇下我地想叫乜野食先！
係呢個時候就送了每位一件蒜茸包！

其實佢地上菜好快，實在快過頭！對我黎講呢個係一大缺點！
點完菜等左一陣就來兩款食物
Grilled Tuna Salad
好大碟呀！

都幾好味既Tuna

另一樣係 Four Seasons Pizza
點解salad會同pizza一齊上架？

salad係頭盤，pizza要趁熱食，你想我點呀？

最後我地都係食pizza先！

味道ok啦！可能網上食評寫得太好了，我期望過高左！

料就夠，但個批底可以鬆多一點！脆多一點！
可能我喜歡食厚批底既關係，佢地呢款唔係厚又唔係薄的。

以水代酒！乾杯先起筷！Cheer！

祝威少同型姐生日快樂！每日都開開心心！

食左一件pizza之後就來個炭燒雞串 Chicken Skewer
佢地已經將竹籤脫走左的，唔知係咪可便我地share食，放在個心型碟上，靚哂！
 

點選的！綠色的比橙色的辣！

來不及食燒雞串又來個海鮮寬麵 Fettucini Marinara

影相既同時又來個咖哩牛腩，加埋個烤餅。
Beef Brishket & Garlic Naan

嘩！真的神速！
我在1516之下又選擇食烤餅先，呢個凍左就唔好食架喇！
咖哩牛腩加埋個蒜茸烤餅
值得一讚！辣既情度剛剛好，陪埋烤餅真係good呀！

飽飽地就食番少少沙律清下先！
之後想食海鮮寬麵既時候，又上了燒豬肋骨！
BBQ Babyback Ribs (Half)
我只好又選擇燒豬肋骨先
OK好林！個汁都野味！真係個口無時停！

終於到放左好耐既海鮮寬麵，好彩仲有少少暖！
汁有少少辣，海鮮係唔多的，最明顯有兩隻大青口。

我們變左最尾先食沙律，真係搞笑！
一輪沖風後我發現漏左一碟豉椒炒蜆，不過算啦！都好飽了！

最後同待應取消番呢碟後叫埋個甜品試下先！
我靜雞雞叫埋個侍應加支蠟燭上去，就當生日蛋糕啦！
緊張時刻到了，聽到廳內音樂細聲左，我就即係預備定影video！小吉就影相！
當生日音樂響起，侍應拿著個蘋果藍莓伴冰淇林出來。
威少和型姐影相之時，威少為左比小吉影得清楚個甜品，把碟再側多少少。
呢個時候隻碟就線落黎！好在威少眼明手快接住，連侍應都讚佢Lucky！
就係呢個pose喇！

Apple & Blueberry Crumble
下面係熱既蘋果粒加少許藍莓，好似蘋果批料敢。
上面就放左三個冰淇林。
個甜品都比我地搞到溶左好多，快快手食完算了！

食完後個侍應都問我仲有冇野要，佢話出面都有人等緊位。
我們都爽快地走人了！

因為趕著下一個客人既光臨，所有起菜都好快！
快到同時間有五六碟食物在桌上，你話食邊樣先？
可能佢地Ｄ食物已經整好哂？又或者係想你快Ｄ食完走？
太趕了！這是呢間餐廳既一大缺點！