2011繼續台北遊 Day4 (Part 2)

Day 4
- 20110214（一） (Part 2)

番到酒店職員已經將我之前放低既背包放了入房間，
我們再由職員帶上房，之後佢仲介紹一次房間有乜提供服務，
真的第一次有咁好既招呼介紹，值得一讚！

由我簡單再講比大家知先！
房間都好大，放左床後左右都有好多位！

連被都印哂酒店Logo

另一邊係收得埋既梳妝鏡

打開放左風筒在內

床另一邊係磨沙玻璃櫃，無影到相，只錄左Video！
呢ｄ相都係copy video出黎的，所以差ｄ！
有免費小食供應！可以比你在房浸完再食小食！
或你可以邊浸邊食！

浴室都係磨沙玻璃

浴室一邊係浸溫泉既！另一邊用花灑的！
（仲大過我間房）
四個人係度打麻雀都得呀！

放水玩下先！都好大水呀！

我們既食物券和大眾湯餐券

晚餐在酒店內，食完休息一陣就去浸溫泉喇！

時間仲早六點十五分左右，得兩對情侶咋！

我們套票包了每人一份四季晚餐

先送上蔥麵包，有ｄ九唔搭八！

開餐喇！

起筷！定食一份，大食既人一定唔夠飽！
唔怪得房間有免費杯麵和零食比你啦！

冬菇野香暖暖莎
其實係一份沙律伴芝麻醬的，個醬幾好味！

和風洋膳竹仔雞
燒雞仔半隻

江風漁火玉子蒸
好似炸過既白飯魚，放在蒸蛋上！
我淨食蛋，當布丁甜品！

蘆薈昔香素米香
有豆和茄子，加米通，真係唔知係乜？

香酥野豚咖哩鍋
咖哩豬肉鍋，勝在熱騰騰！

珍珠米飯加櫻花蝦乾

珠蔥銀杏味噌湯
我飲到銀杏味！

精緻甜品係櫻花撻，都幾好味喎！

都係上年個八煙溫泉會館個懷石料理好些！

食飽休息一陣
呢度係咖啡廳外面

門口種了幾棵櫻花

路燈罩

咖啡廳裡面

大堂既天花

休息一陣我們就去浸大眾湯喇！

男湯女湯係分開的，女湯有五至六個湯，又有按摩池
望出外有條流水瀑布，仲有不同茶包和咖啡供應。
我就沖左杯紅棗桂圓茶，真係一試難忘！
小吉就顧住睇瀑布無沖野飲，浪費哂了！
　　
訓番個靚覺，明日再出發！

下站烏來溫泉瀑布

2011繼續台北遊 Day5 (Part 1)